AMP Konsulta Prezidente TR Kona-ba Tramitasaun

0
322
Reprezentante AMP, Virgilio Smith, hatan jornalista sira hafoin hasoru Prezidente Tribunál Rekursu iha Kaikoli, ohin. Foto Tatoli/Egas Cristovão

DILI, (TATOLI) – Aliansa Mudansa ba Progresu (AMP) ne’ebé kompostu hosi partidu Kongresu Nasionál Rekonstrusaun Timor (CNRT-sigla portugés), Partidu Libertasaun Populár (PLP) no Kmanek Haburas Unidade Nasionál Timoroan (KHUNTO) hasoru Prezidente Tribunál Rekursu (TR), Deolindo dos Santos, hodi konsulta kona-ba tramitasaun saida mak koligasaun partidaria bele aprejenta.

“AMP mai halo konsulta legál ho Prezidente TR, Deolindo dos Santos kona-ba tramita saida mak koligasaun bele lori ba eh haree kestaun legalidade”, reprezentante AMP, Virgilio Smith, ba jornalista sira iha TR hafoin hasoru malu ho órgaun judisiáriu iha Kaikoli, tersa (27/2).

Nune’e, AMP seidauk aprezenta lista kandidatura maibé ko’alia kona-ba kestaun legalidade sira ba koligasaun nian.

Maibé tempu badak AMP sei mai rejistu tanba dadaun ne’e sei iha faze preparasaun atu rejista.

“Lista sei aprezenta tanba ami deside ona liuhosi konferénsia AMP no partidu ida-idak nian no sei rejistu iha tempu badak no tuir dalan legál”, haktuir nia.

Entretantu, AMP to’o agora ladaun foti formuláriu hosi TR kona-ba rejistrasaun koaligasaun partidaria maibé tempu kurtu nia laran sei kumpre prosesu tuir dalan legál.

Jornalista: Zezito Silva

Editora: Rita Almeida

HUSIK IDA HATÁN