iklan

NASIONÁL, DILI, MUNISÍPIU

Motorizada 19 no Karreta Ida Iha SEJT Sei Uza Matríkula Privada

Motorizada 19 no Karreta Ida Iha SEJT Sei Uza Matríkula Privada

Sekretáriu Estadu Juventude no Traballu (SEJT), Nívio Leite Magalhães. Foto/Egas Cristóvão.

DILI, (TATOLI)- Sekretáriu Estadu Juventude no Traballu (SEJT), Nívio Leite Magalhães, hatete patrimóniu estadu ne’ebé rejistadu iha SEJT hamutuk 1357 ne’ebé kompostu husi motorizada, karreta, laptop, telefone, komputadór no ekipamentu seluk tan, maibé iha motorizada 19 no karreta ida mak sei uza matríkula privada.

Tanba ne’e SEJT halo despaxu ida ba departamentu lojístika, SEJT nian atu koordena ho diresaun nasionál jestaun ba patrimóniu Estadu nian atubele muda xapa matríkula sira ne’e.

“Motór sira ne’e uluk iha projetu ILO (International Labour Organization) nian ne’ebé halo hamutuk ho SEPFOPE, bainhira projetu ne’e remata sira entrega mai SEPFOPE, maibé to’o oras ne’e seidauk tau númeru matríkula estadu nian ka hanesan baibain iha ikus ne’e uza letra G”,  katak Nívio hafoin halo inspesaun ba patrimóniu estadu iha SEJT, Kaikoli, ohin.

Inspesaun ne’ebé mak halo husi SEJT ne’e atu haree kondisaun no ezisténsia husi patrimóniu ne’e rasik atu serbisu funsionáriu sira-nia

“Tanba ne’e hakarak hatene patrimóniu sira ne’e utiliza duni hodi fasilita serbisu funsionáriu sira-nia ka la’e? Nó mós atu haree duni kondisaun husi patrimóniu ne’e rasik. Ha’u haree iha motór balun hamutuk 19 ne’ebé to’o oras ne’e sei iha hela matríkula privadu nó mós karreta ida”.

“Ba karreta no motór ne’ebé iha kondisaun ladi’ak ona ne’e atu koordena ho Patrimóniu Estadu para bele haree karik iha posibilidade bele halo leilaun ka iha meiu seluk atubele koordena hamutuk”.

Jornalista : Maria Auxiliadora

(Editór : Manuel Pinto)

iklan
iklan

Leave a Reply

iklan
error: Content is protected !!