iklan

NASIONÁL

Durante 2017 Estadu Hetan Prejuizu US$ 1,5 Milliaun

Durante 2017 Estadu Hetan Prejuizu US$ 1,5 Milliaun

Komisáriu Komisaun Anti Korrupsaun (KAK), Adérito António Pinto Tilman bainhira dada lia ho jornalista sira iha Palasiu Governu, ohin. Foto GPM/Samuel

DILI (TATOLI) – Komisáriu Komisaun Anti Korrupsaun (KAK), Adérito António Pinto Tilman informa, durante tinan 2017, estadu Timor-Leste hetan prejuizu osan ho montante US$ 1,5 milliaun, hosi kazu korrupsaun 28, ne’ebé KAK investiga, bazeia ba delegasaun kompeténsia husi Ministériu Públiku (MP).

“Husi kazu 28 ne’e Estadu hetan prejuizu US$ 1,5 milliaun, la’ós hanesan mídia sira dehan US$ 1 biliaun,” Adérito A.P. Tilman tenik ba jornalista sira iha Palásiu Governu, ohin, hafoin enkontru ho Primeiru Ministru, Mari Alkatiri, hodi informa situasaun kriminalidade liu-liu kazu korrupsaun ne’ebé KAK investiga durante tinan 2017.

Nia dehan entre kazu ne’ebé KAK investiga to’o 30 Dezembru konsege finaliza kazu korrupsaun hamutuk 24, husi kazu ne’e maioria krime pekulatu, partisipasaun ekonomia negósiu, abuzu podér no krime balun fraude fiskál.

Ema ne’ebé komete mai hosi eis membru governu sira no balun mai hanesan testemuña, balun mai hanesan arguidu atu presta deklarasaun.

“Ba eis membru governu sira tratamentu hanesan, ida ne’ebé autoridade públiku ne’ebé komete krime korrupsaun ita tenke halo investigasaun”, Komisáriu Pinto afirma.

KAK Sei Hasoru Dezafiu,  

(Jornalista: Julia Chatarina)

(Editór : Manuel Pinto)

iklan
iklan

Leave a Reply

iklan
error: Content is protected !!