iklan

DILI, MUNISÍPIU

IPTL  Husu Lider Istóriku Sira Kontinua Hamutuk

IPTL  Husu Lider Istóriku Sira Kontinua Hamutuk

Reprezentante Igreja Protestante iha Timor-Leste, Rev. Lourenço do Santos, Igreja Evangelica Assembleia de Deus, Ps. Francisco dos Reis no KonfuchuViharaMettaPrajna Dharma Timor-Leste no Prezidente Asosiasaun Komunidade Xineza Timor Oan, SiuPeng Lay, bainhira hato’o sira-nia preokupasaun ba Xefe Estadu kona-ba lei kodígu sivil artigu 1475 relasiona ho kazamentu, tanba lei ne’e tuir sira ignora sidadaun hosi relijiaun sira seluk no rekoñese de’it kazamentu hosi relijiaun Katólika. Foto dokumentasaun mídia PR

DILI, (TATOLI) – Lider Igreja Protestante Timor Lorosa’e (IPTL) husu ba lider istóriku sira hodi kontinua hamutuk harii pás no estabilidade, nune’e apoiu  prosesu dezenvolvimentu.

Moderadór IPTL, Padre Lorenço dos Santos, hato’o preokupasaun ne’e ba Primeiru-Ministru, Marí Alkatiri, durante sorumutu iha Palásiu Governu, ohin.

ʺIPTL husu ba Primeiru-Ministru atu lideransa istóriku sira oinsá tuur hamutuk kria unidade, fó liman ba malu atu hetan estabilidade, nune’e Nasaun ne’e bele atinje ninia progresu”, dehan.

Xave ba dezenvolvimentu maka pás no estabilidade, tanba ne’e lider sira tenke unidade no servisu hamutuk hodi lori dezenvolvimentu ba povu.

Parte rua mós halo diskusaun ba situasaun polítika iha rai laran, tanba ne’e IPTL promete sei nafatin fó apoiu hodi garante pás no estabilidade.

Alende ne’e, Padre ne’e aprejenta preokupasaun kona-ba droga ne’ebé tama no sai iha teritoriu tanba sei fó impaktu ba mentalidade jerasaun foun sira iha futuru.

ʺAmi mós hato’o ami nia preokupasaun  ba Primeiru-Minsitru kona-ba droga ne’ebé tama iha Timor-Leste, tanba ne’e husu atu fó atensaun másimu hodi prevene droga tama iha rai laran”, tenik.

Ikus liu, IPTL aprejenta planu konstrusaun Igreja foun iha munisípiu sira, husu governu atu apoiu osan.

Jornalista: Agapito dos Santos

Editora: Rita Almeida

iklan
iklan

Leave a Reply

iklan
error: Content is protected !!