USAID Asina Kontratu Projetu Turizmu Ba Ema Hotu Ho Durasaun Tinan Tolu

0
154
Uma Lulik parte hosi turizmu iha Timor-Leste. Foto espesiál

DILI, (TATOLI) – Ajénsia Estadu Unidu ba Dezenvolvimentu Internasionál (USAID) asina akordu liuhusi projetu “Turizmu ba Ema Hotu” ho kontratu tinan tolu ne’ebé mak sei implementa husi Internasionál Chemonics no ninia parseria Internasionál Solimar no Planet Partnerships hodi apoiu Timor-Leste nia estratéjia turizmu nasionál.

Liuhusi komunikadu ne’ebé TATOLI asesu foin lalais ne’e haktuir projetu ne’e sei foka liu ba kria dezenvolvimentu turizmu inkluzivu hodi hadi’a indústria governativa no promove investimentu ne’ebé sustentável no sei servisu hodi hadi’a no aumenta traballadór turizmu, ne’ebé governu fó estimasaun katak agora daudaun iha de’it ema hamutuk 4,300 husi públiku no privadu mak kria relasaun hodi haforsa governasaun turizmu, no dudu deliberasaun no investimentu inkrementál ne’ebé foka liu ba lori feto no joven barak liután hodi envolve iha setór ida ne’e.

“USAID aprosima Turizmu ba Ema hotu sei estimula millaun ruanulu-resin-lima iha eko-turizmu no investimentu komunidade turizmu baze, kria adisionál servisu relasaun turizmu hamutuk rihun ida no ajuda hasa’e rendimentu uma-kain ba komunidade tarjetu porsentu 15 durante tinan tolu”, refere komunikadu.

Diretora Misaun USAID, Diana Putman, hatete apoiu ne’e mai husi Povu Amerikanu, sei ajuda Governu Timor-Leste atinje ninia meta dezenvolvimentu ida mak haree ba diversifika ninia ekonomia ne’ebé depende ba óleu.

“Ami haree bá oin hodi servisu hamutuk ho Ministériu Turizmu no setór privadu hodi halo destinasaun turista Timor-Leste ba prokura aventura seluk, kultura no beleza naturál bainhira prezerva ambientál únika nasaun nian no eransa kulturál.”

Kontratu ba tinan tolu ne’e sei enkoraja públiku no privadu hodi koopera ho merkadu Timor-Leste hanesan destinasaun “fatin ne’ebé la deskobre” ba vizitór aventura sira no eko-turizmu. Estratéjia komplementa Governu Timor-Leste nia polítika nasionál turizmu tinan kotuk nian, ne’ebé mak sei lori turista estranjeiru hamutuk 200,000 mai iha Timor-Leste kada tinan husi 2030, aumenta servisu turizmu nian hamutuk 15,000 no jeneraliza millaun U$150 ba iha reseita anuál turizmu nian.

Polítika turizmu nasionál Timor nian, promulga iha Marsu 2017, bolu ba graduál no dezenvolvimentu sustentável ne’ebé sei proteje ambiente ba aumenta vizita turista nian no hadi’a oportunidade ekonomia iha nivel nasionál no komunidade. USAID nia planu atu inkorpora públiku-privadu nia Relasaun Dezenvolvimentu Nasionál de Turizmu hanesan moos Destinasaun Konsellu Stewardship hodi ajuda maneja fatin turizmu lokál no ninia atividade.

Jornalista: Maria Auxiliadora

Editora: Rita Almeida

HUSIK IDA HATÁN