UNIJMA Submete Ba Desizaun PR

0
385
Portavóz UNIJMA, Gil Ferdes hamutuk ho estrutura UNIJMA ko'alia ba jornalista sira. Imajen Ajénsia TATOLI/dok.

DILI (TATOLI)—Uniaun Nasionál Juventude Maubere (UNIJMA)/Ativista Pro RDTL submete ba desizaun saida de’it maka Prezidente Repúblika, Francisco Guterres Lú Olo sei foti ba impasse polítika iha rai laran.

“Ida ne’e kompeténsia tomak Prezidente Repúblika nian atu foti desizaun oinsá. Ba oin ita hotu hein saida maka sai Prezidente Repúblika nia desizaun,” Portavós UNIJMA, Gil Ferdes hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, kinta ne’e, hafoin ramata enkontru ho Xefe Estadu Lú Olo kona-ba situasaun polítika iha rai laran.

Tuir Gil, nasaun ne’e demokrátiku, tanba ne’e povu maka sempre foti desizaun, karik iha situasaun polítika inserteza.

“Demokrasia ne’e rasik hateten katak hosi povu, ho povu no fila fali ba povu. Tanba ne’e, povu maka tenke deside,” nia esplika.

Maibé, Gil tenik, sira labele ko’alia katak Prezidente tenke deside oinsá tanba ne’e la’ós sira nia kompeténsia no argumenta katak sira (UNIJMA) la’ós partidu.

“Ami hanesan organizasaun independente, tanba ne’e labele tama liu ba iha asuntu polítika. Ne’e kabe ba iha matenek na’in sira nia kompeténsia,” Sekretáriu Jerál UNIJMA ne’e afirma.

(Jornalista: Xisto Freitas)

(Editór : Manuel Pinto)

HUSIK IDA HATÁN