Relasaun Estadu ho Igreja Metin Liután

0
139
Primeiru-Ministru, Marí Alkatiri bainhira partisipa Natal hamutuk iha Palásiu Prezidensiál Bairo Pité. Foto GPM

DILI, (TATOLI) – Primeiru-Ministru, Marí Alkatiri, hatete relasaun entre Estadu ho Igreja Katólika kontinua metin liután hodi promove pás, estabilidade hodi dezenvolve Nasaun.

“Ohin ita halo tan prosesu foun ida entre órgaun Estadu ho  Igreja Katólika para atu konsolida prosesu tomak dezenvolvimentu iha Timor-Lesteʺ, dehan líder governu ne’e bainhira selebra Natal hamutuk ho órgaun Estadu iha salaun parókia Nossa Señora Imaculada da Conçeição Katedrál Dili, domingu ne’e.

Kualker governu ne’ebé ukun tenke hametin relasaun ho Igreja Katólika. Sé de’it maka ukun aban bainrua tenke maten parseira ho Igreja Katólika ho Estadu no orgaun soberania seluk tanba ne’e importante tebes atu hametin pás no estabilidade maibé importante liután maka hametin identidade povuʺ.

Bispu Dioseze Dili, Virgilio do Carmo da Silva, hatutan hateten, parseria entre Igreja no Estadu la’o ona iha tempu naruk maibé seremonia ida ne’e hodi konkretiza liután parseria.

ʺHodi Dioseze Dili, Baukau no Maliana nia naran hakarak hato’o agradese boot ba apoiu governu no Estadu desde ínisiu to’o ohin loron tanba, buat barak ami simu husi governu liliu materiál no morálʺ, dehan Bispo Dili.

Igreja Katólika liuhusi Bispu Dili hateten disponivel hodi kolabora ho Estadu atu kria parseira hodi hadi’a di’ak liután povu nia moris.

ʺAmi prontu nafatin atu kolabora maske ho ami nia limitasaun ho ami nia forsa ne’ebé mak ami ihaʺ, hateten.

Jornalista: Agapito dos Santos

Editora: Rita Almeida

HUSIK IDA HATÁN