Prosesu Aprendizajen ETV 28 Novembru La’o Di’ak Maske Hasoru Difikuldade

0
28
Logotipu 28 Novembru. Foto espesiál

DILI, (TATOLI) – Diretór Eskola 28 Novembru, Bekora, Pedro da Silva Ximenes, hatete prosesu aprendizajen la’o di’ak maske eskola ne’e hasoru difikuldade hanesan tarde halo orientasaun ba estudante foun no estudante ida eh rua seidauk tama aula.

Problema Ensinu Tékniku Vokasionál (ETV) mak orientasaun tarde. “Kinta lorokra’ik ami fó ona orientasaun ba profesór sira para tama ona hodi hala’o prosesu aprendijazen”, diretór haktuir ba Tatoli iha kna’ar fatin, ohin.

Estudante foun sira ne’ebé mak inskreve ba tinan létivu foun ne’e simu de’it estuda ba kanál Tékniku Vokasionál, ne’ebé alunu agora dadaun rejistu ba Tékniku Vokasionál, hamutuk cento e trinta e seis.

Alunus tékniku vokasionál kuandu tau hamutuk iha Eskola 28 Novembru ne’e ho désimu primeiru ho désimu segundu ano. “Totál aproxima seis centos cinquenta”.

Ba sekundária jerál, iha désimu segundu ano de’it. “Iha ne’e iha duzentos quarente e dois. Sira agora aprende hela, iha de’it klase tiga i tinan oin, espasu ida ne’e ba tomak iha tékniku vokasionál”.

Nia mós hatutan komunikasaun entre profesór sira Ensinu Sekundária Jerál no Ensinu Tékniku Vokasionál iha eskola ne’e la iha problema tanba konversaun eskola ne’e la’ós eskola ne’e mak halo rasik maibé mai husi polítika sestu governu konstitusionál no kontinua ba iha sétimu governu konstitusionál.

Talvez mosu insatisfasaun balun husi profesór sira kona-ba polítika konversaun, maibé nu’udar diretór eskola la lori ida ne’e ba problema tan la’ós problema eskola ninian. “Diretór eskola ezekuta de’it buat ne’ebé mai husi governu konstitusionál”, realsa.

Iha Estrutura Aditiva

Pedro da Silva Ximenes haktuir tan katak asegura funsionamentu eskola ne’e sira mós iha estrutura aditivia. Governu nomea ema na’in tolu hanesan diretór eskola, adjuntu eskola no seluk tan. Maibé, infelizmente adjuntu eskola ne’e nian matebian tiha ona.

“Ami mós iha estrutura aditivu ne’ebé haree eskola, iha responsabilidade ba kuríkulu i ba alunu sira OSIS (organizasun estudante), iha ne’e fahe malu halo oinsá bele asegura, bele halo kontrola ba iha alunus. Com certeza diretór eskola labele halo buat ida, se bainhira diretór la iha, ajuda estrutura aditiva ne’ebé mak ita estabelese iha eskola”, katak.

“Ha’u mai dadersan, fila 12 oras. Dalaruma mai fali iha ne’e tuku ida ho balun ka tuku rua i karik iha buat ruma sempre komunika ba sira ne’ebé responsabiliza iha lorokra’ik ne’e para halo kontrola”, konklui.

Jornalista: Rafy Belo

Editora: Rita Almeida

Notísia relevante; http://www.tatoli.tl/2018/01/konsellu-profesor-rejeita-politika-konversaun/

HUSIK IDA HATÁN