Prezidente CNE Informa Preparasaun EA ba PR

0
145
Prezidente CNE, Alcino Barris (klaran) informa rezultadu enkontru ho Prezidente Repúblika ba jornalista sira iha Palásiu Prezidente Nicolau Lobato, ohin. Imajen Xisto Freitas.

DILI, (TATOLI) – Prezidente Komisaun Nasionál ba Eleisaun (CNE-sigla portugés)), Alcino Barris, akompaña hosi membru sira informa preparasaun Eleisaun Antesipada (EA) ba Prezidente Repúblika (PR), Francisco Guterres Lú Olo.

“Agora ami intensiva hela kona-ba oinsá atu halo edukasaun sívika ba iha territóriu Timor hodi fahe informasaun ne’ebé pertenente kona-ba situasaun atuál no hanoin mós oinsá atu haree hamutuk ho Sekretariadu Tékniku Administrasaun Eleitorál (STAE) no Ministériu Negósiu Estranjeiru no Kooperasaun atu halo mós edukasaun sívika iha estranjeiru hanesan Austrália, Korea Súl, Inglaterra, Irlandia no Portugal”, hatete Alcino ba jornalista sira iha Palásiu Prezidente Nicolau Lobato, Bairru Pité, segunda ne’e hafoin enkontru ho Xefe Estadu.

Nia dehan hahú fulan oin (fevereiru), CNE sei hala’o edukasaun sívika atu esplika ba eleitór sira kona-ba kritériu no regulamentu atu vota.

Alcino hatutan CNE mós sei serbisu hamutuk ho STAE atu halo resensiamentu ka atualizasaun baze dadus ba timoroan sira barak iha rai liur ne’ebé antes ne’e la konsege atualiza baze dadus no la konsege vota iha eleisaun jerál 2017 liu-ba.

Iha tempu badak, Barris hateten sei nomeia delegadu atu halo serbisu iha munisípiu. Kona-ba kalendáriu eleisaun, CNE laiha kompeténsia atu deside tanba ne’e Prezidente Repúblika nia kompeténsia.

Jornalista: Xisto Freitas

Editora: Rita Almeida

HUSIK IDA HATÁN