PR Sei Konsulta ho ParPol no Prezide Reuniaun Dahuluk Konsellu Estadu 

0
184
Prezidente Repúblika (PR), Francisco Guterres Lú Olo.

KOMUNIKADU IMPRENSA

Prezidente Repúblika, Francisco Guterres Lú Olo, aban loron 23, sei konsulta ho Partidu Polítika sira ho asentu iha Parlamentu Nasionál no iha loron tuir mai, 24 janeiru sei konvoka reuniaun dahuluk Konsellu Estadu.

Tuir komunikadu imprensa ne’ebé Tatoli simu hosi Palásiu Prezidente, ohin haktuir Xefe Estadu sei aproveita sorumutu ho partidu polítika sira hanesan mós reunian Konsellu Estadu hodi rona opiniaun ikus husi partidu ida-idak no membru sira Konsellu Estadu nian, molok foti desizaun hodi hakotu atuál impase polítika ne’ebé país infrenta.

Prezidente Francisco Guterres Lú Olo sei ko’alia ho lideransa partidu sira ho oráriu hanesan tuir mai:

PARTIDU ÓRAS
FRETILIN  09.00
CNRT 10.00
PLP 11.00
PD 15.00
KHUNTO 16.00

Iha kuarta, 24, óras: 09.00, Prezidente Repúblika sei hasoru malu ho membru Konsellu Estadu ba periodu 2017 – 2022, kompostu atuál Xefe Estadu, eis Prezidente Repúblika sira, atuál Prezidente Parlamentu Nasionál, atuál Primeiru-Ministru, hola mós parte membru sira ne’ebé Parlamentu Nasionál mak hili hanesan José Marcelino Cabral Belo, Aurora Ximenes, Virgílio da Costa Hornai, Virgílio Smith, José dos Santos Naimori Bukar no membru sira ne’ebé nomeia husi atuál Prezidente Repúblika mak Oscar Lima, Faustinho Godinho Gonçalves da Costa, Alcino de Araújo Barris, Mari Dadi Soares Magno no Laura Soares Abrantes.

Molok ne’e, desde fulan outobru 2017, Prezidente Repúblika, Francisco Guterres Lú Olo hala’o ona dialogu ho entidade oioin hanesan konfisoen relijioza sira, reprezentante veteranu, reprezentante organizasaun juventude rezisténsia,  organizasaun sosiedade sivil, organizasaun estudantil hodi rona sira-nia opiniaun atu bele foti desizaun hodi hakotu impase polítika ne’ebé mosu hafoin formasaun VII Governu Konstitusionál. (*)

HUSIK IDA HATÁN