PR Iha Esperansa Hakotu Tensaun Polítika

0
146
Prezidente Repúblika, Francisco Guterres Lú Olo, bainhira partisipa selebrasaun Natal hamutuk ne’ebé organiza hodi Xefe Governu ho órgaun Estadu iha salaun parókia Nossa Señora Imaculada da Conçeição Katedrál Dili, domingu ne’e. Foto mídia PR/Jimmy Campus

DILI, (TATOLI) – Prezidente Repúblika, Francisco Guterres Lú Olo, hateten iha esperansa  boot atu hakotu tensaun polítika iha tinan foun 2018.

ʺIha tinan 2018 ita sei hetan fila fali naroman hodi moris hakmatek hanesan povu, hanesan belun, maun alin no komunidade ne’ebe buka nia dalan para halo dezenvolvimentu hodi hadi’a morisʺ, dehan Lú Olo bainhira partisipa selebrasaun Natal hamutuk ne’ebé organiza hodi Xefe Governu ho órgaun Estadu iha salaun parókia Nossa Señora Imaculada da Conçeição Katedrál Dili, domingu ne’e.

Maske grupu balun hateten Timor-Leste kontinua moris iha tensaun polítika iha tinan 2018 maibé Lú Olo garante tinan foun sei lori mudansa foun ba timoroan hotu hodi rezolve.

ʺIta hotu nia espetativa ne’ebé maluk balun hateten ita sei lori hela nakukun tinan tinan tuan nia rohan tama iha tinan foun maibé, ha’u fiar metin hanesan Prezidente katak ita sei hetan fali naromanʺ, hatutan.

Tinan 2018, governu dahituk liuhusi Primeiru-Ministru, Marí Alkatiri, konsidera hanesan tinan aprendizajen.

ʺHa’u hakarak hateten de’it ba maluk sira hotu, tinan 2018 hanesan tinan aprendizajen permanente tanba ita haree ona durante fulan lima ho balun laran ita hotu aprendeʺ, dehan Alkatiri.

Jornalista: Agapito dos Santos

Editora: Rita Almeida

HUSIK IDA HATÁN