PNTL Ho BNN Indonézia Sei Halo Teste Ba Sasan Kontentór Ualu

0
237
Komandante Jerál Polísia Nasionál Timor-Leste (PNTL), Komisáriu Júlio da Costa Hornay. FOTO MEDIA PR

DILI, (TATOLI) – Polísia Nasionál Timor-Leste (PNTL) liuhosi Servisu Investigasaun Kriminál (SIK) ho Badan Nasional Narkotika (BNN) Indonézia sei halo teste ba matéria prima atu halo medikamentu ne’ebé parte polísia apreende iha Portu Dili foin lalais ne’e.

“Ita sei halo teste hamutuk ho Badan Nasional Narkotik (BNN) Indonézia liuhosi laboratóriu, maibé molok atu haree ita presiza koordena ho Prokuradoria Jerál Repúblika atu haree lei eh prosedimentu hirak ne’e hafoin ita bele ezekuta”, Komandante PNTL, Júlio Hornay ba jornalista sira iha Kuartel Jerál PNTL, Kaikoli, ohin.

Nia hatutan PNTL iha ona akordu ho BNN Indonézia, tanba ne’e haruka sira mai hodi bele haree hamutuk matéria prima kontentór ne’ebé hetan preende hosi Servisu Unidade Polísia Marítima foin lalais ne’e.

“Akordu ne’ebé Polísia Nasionál Timor-Leste (PNTL) ho POLRI halo iha 2009, konkordánsia ne’e atu servisu apoiu no kopera malu hodi prevene no kombate kazu narkotika hirak ne’ebé tama iha Timor-Leste eh liuhosi ita nia rai ba Indonézia”, haktuir nia.

Enkuantu, komunikasaun entre parte rua, orienta ona ba BNN Kupan mak mai hamutuk ho investigasaun kriminál hodi haree kuandu koordenasaun ho PJR loos ona atu halo teste ba sampel aimoruk ba laboratóriu.

Nune’e BNN Indonézia nia ekipamentu no atu kombate narkoba sira iha koñesimentu ba asuntu ne’e, nune’e mak koopera malu liuhosi konkordánsia ne’ebé iha.

Atu teste, nia hatan teste iha laboratóriu, sei ko’alia ho PJR katak teste ne’e atu halo iha nasaun ne’ebé, iha koñesimentu maibé tenke reforsa malu ba objetivu ne’ebé hakarak atinje.

Atu fó sai rezultadu investigasaun kuandu prosesu teste laboratóriu loos hotu ona katak prosesu investigasaun oinsá no prosesu atendimentu oinsá.

Iha parte seluk, Kepala BNN, Nusa Tengara Timur (NTT), Lino do Rosario Pereira, dehan PNTL ho BNN iha ona koordenasaun maibé  PNTL sei ko’alia ho PJR hafoin mak bele teste sampel.

“Ami sei hein Komandante Jerál PNTL, Júlio Hornay, atu teste iha ne’e ka iha ne’ebé hafoin koordena ho PJR tanba lei mak sei regula hotu”, katak.

Nia agradese ba Servisu Polísia Unidade Marítima ne’ebé preende kontainér sira ne’e hatudu katak sira salva joven barak liu, ne’e konsiderandu prestasaun servisu ne’ebé di’ak loos.

“Ha’u ohin hato’o ba Komandante PNTL, Júlio Hornay katak servisu ida ne’e hatudu prestasaun ne’ebé di’ak”, dehan nia.

Jornalista: Zezito Silva

Editora: Rita Almeida

http://www.tatoli.tl/2018/01/kontentor-sia-neebe-hetan-apreensaun-husi-orgaun-polisial-ida-hahan-ba-ikan-no-boek/

Alfándega Husik Liman Ba Kontentór Ualu

HUSIK IDA HATÁN