PM Sosializa Programa Ba Komunidade

0
131
Primeiru Ministru, Mari Alkatiri akompaña hosi membru governu halo sosializasaun ba programa governu ba komunidade Likisa iha salaun Parokiál Maubara. Foto dokumentasaun Tatoli

MAUBARA (TATOLI)—Primeiru Ministru, Mari Alkatiri akompaña hosi membru governu, ohin, Sesta (19/01), iha salaun Parokiál Maubara, sosializa programa governu ba komunidade, iha Munisípiu Likisá.

Aproveita oportunidade ne’e Xefe Governu ho nia membru sira rona mós hanoin sira hosi komunidade, husi organizasaun sosiedade sivíl, Igreja Katólika ka konfisoens relijioza sira seluk, Xefe suku no xefe aldeia sira, organizasaun feto sira nó mós juventude sira.

Tuir ajenda ne’ebé mak iha, hafoin halo sosializasaun ou dialog ho komunidade sira, Primeiru Ministru ne’ebé akompaña hosi Ministru Prezidénsia Konsellu Ministru (PCM), Adriano do Nascimento, Vise Ministra Edukasaun no Kultura (MEK), Lourdes Bessa, no Sekretáriu Estadu Konsellu Ministru no Komunikasaun Sosiál (SEKMKS), Matias Boavida, sei vizita projetu balun ne’ebé implementa hosi kompañia privadu sira iha fatin refere.

Aleinde ne’e mós sei halo inaugurasaun salaun enkontru eskola bázika iha Postu Administrativu Liquiça. Salaun enkontru eskola bázika ne’e konstroi husi Forsa Marinas Seabees NMCB Qutro Estadus Unidis Amérika (EUA) hodi suporta komunidade iha Liquiça, liu- liu iha eskola bázika ne’e.

(Jornalista: Julia Chatarina)

(Editór : Manuel Pinto)

HUSIK IDA HATÁN