PM Husu Membru Governu Ezekuta Osan Duodésimu Tuir Nesesidade

0
140
Primeiru Ministru Sétimu Governu konstitusionál, Dr. Mari Alkatiri.

DILI, (TATOLI) – Primeiru-Ministru, Marí Alkatiri, husu ba membru governu sira atu utiliza orsamentu duodésimu ho kuidadu hodi garante nafatin funsionamentu makina Estadu.

ʺHa’u nia membru governu sira hatene, duodésimu ne’e tempu di’ak para ita kurize, labele gasta osan demais, maibé gasta tuir saida maka ita bele gasta ho efisiénsia no efikásiaʺ, dehan Xefe Governu iha Kaikoli, ohin.

Tuir Xefe Ezekutivu ne’e katak Governu dadaun ne’e hasoru krize orsamentu tanba ne’e tenke gasta ho kuidadu.

Tuir relatóriu hosi ministériu finansa katak verba duodésimu hamutuk milliaun 114 hodi selu saláriu no vensimentuo, bens servisu, tranferénsia públika no kapitál dezenvolvimento menus hosi fulan tolu.

Jornalista: Agapito dos Santos

Editora: Rita Almeida

HUSIK IDA HATÁN