PLP Kumpri Desizaun Prezidente Repúblika

0
381
Prezidente Partidu Libertasaun Populár (PLP), Taur Matan Ruak, enkontru ho Prezidente Repúblika, Francisco Guterres Lú Olo, iha Palásiu Prezidente, ohin. Foto Antonio Goncalves

DILI, (TATOLI) – Prezidente Partidu Libertasaun Populár (PLP), Taur Matan Ruak, hatete PLP simu desizaun saida de’it hosi Prezidente Repúblika, Francisco Guterres Lú Olo.

“Ami nia pozisaun ne’ebé transmite ba Prezidente Repúblika katak iha situasaun hanesan ne’e, di’ak liu iha desizaun duké la halo desizaun ida, desizaun aat ka di’ak tenke hasai. Ami apoiu desizaun saida de’it maka Prezidente toma”, Taur haktuir ba jornalista sira iha Palásiu Prezidente Nicolau Lobato, Bairru Pité, tersa ne’e, hafoin enkontru ho Xefe Estadu, Lú Olo.

Taur Matan Ruak hatutan bainhira Prezidente Repúblika deside eleisaun antesipada nu’udar opsaun atu rezolve inpase polítika, PLP prontu avansa.

Kona-ba CNRT husu Prezidente entrega ba Aliansa Maioria Parlamentár (AMP) ukun, eis líder rezisténsia no portavóz AMP ne’e lakohi mete partidu seluk nia opiniaun.

“Ha’u ko’alia ha’u nia partidu nian de’it”, katak Taur.

Jornalista: Xisto Freitas

Editora: Rita Almeida

HUSIK IDA HATÁN