PD Sei Kumpri Desizaun Prezidente Repúblika

0
159
Xefe Bankada Partidu Demokrátiku (PD), Maria Teresa de Carvalho (imajen liman karuk) kaer liman ho Prezidente Repúblika, Francisco Guterres Lú Olo iha Palásiu Prezidente Nicolau Lobato. Imajen Mídia Palásiu PR.

DILI, (TATOLI) – Xefe Bankada Partidu Demokrátiku (PD), Maria Teresa Gusmão, hateten mesmu PD la aseita eleisaun antesipada maibé sei kumpri desizaun saida de’it mak Prezidente Repúblika hatun.

“PD lakohi ba eleisaun antesipada tanba objetivu atu hametin governasaun ida ne’e to’o tinan lima no FRETILIN hakarak ba eleisaun antesipada mós objetivu ida de’it atu hametin ukun ida ne’e to’o tinan lima”, deputada ne’e hato’o ba jornalista sira iha Palásiu Prezidente Nicolau Lobato Bairru Pité, kinta (11/1), bainhira husu ninia komentáriu kona-ba razaun PD la konkorda eleisaun antesipada.

Hatutan PD la aseita eleisaun antesipada tanba firme ba eleisaun tinan lima dala ida, ne’e duni laiha razaun atu halo eleisaun antesipada.

Iha fatin hanesan, Primeiru-Ministru, Marí Alkatiri, hatete Governu iha orsamentu sufisiente atu finansia karik mosu eleisaun antesipada. 

Jornalista: Xisto Freitas

Editora: Rita Almeida

HUSIK IDA HATÁN