Nagardjo FC Hakarak Kontrata Treinadór Brazileiru

0
38
Foto hamutuk entre ekipa konjuntu LFA no dirijente Nagardjo FC. Imajen Mídia LFA.

DILI, (TATOLI) – Prezidente Klube Segunda Divizaun, FC Nagardjo,  Artur da Luz Costa, hakarak  kontrata treinadór estranjieru atu haforsa ekipa iha jogu Liga Futebol Amadora (LFA) époka 2018.

“Ami iha hanoin atu kontrata treinadór hosi Brazíl atu bele haforsa ami nia ekipa iha époka oin mai, tanba Nagardjo FC nia tarjetu maka tenke promovidu ba Primeira Divizaun époka 2019”, dehan Artur bainhira enkontru ho estrutura Liga Futeból Amadora (LFA) iha sede Nagardjo FC Dili, foin lalais ne’e.

Artur dehan Nagardjo mós sei fihir ka buka tuir hela jogadór estranjeiru hosi Ázia nomós kontinente Áfrika atu bele reforsa liu-tan ekipa refere.

Durante enkontru ho ekipa konjuntu LFA, Artur sujere iha époka oin mai LFA bele hasa’e liu-tan osamentu ba prémiu jogu, prémiu kampiaun no subsídiu atu bele ajuda klube.

“Nu’udar emprezáriu nasionál, ha’u mós dala barak konvida ha’u nia maluk emprezáriu sira seluk atu bele hamutuk haforsa klube ne’e maibé dala barak sira sempre husu benefísiu saida maka sira bele hetan husi klube. Maibé, ha’u espera ba oin bele hadi’a di’ak liu-tan”, subliña.

Jornalista: Xisto Freitas

Editora: Rita Almeida

HUSIK IDA HATÁN