MNEK ho Embaixadora EUA Hasoru Malu Hodi Reforsa Kooperasaun

0
115
Apoiu ne'ebé foin lalais ne'e oferese hodi harii eskola primaria ida iha Likisa. Foto espesiál

DILI, (TATOLI) – Ministru Negósiu Estranjeiru no Kooperasaun (MNEK), Aurélio Guterres, halo reuniaun ho Embaixadora Estadus Unidus Amerika (EUA), Katheleen M. Fitzpatrick, hodi reforsa liután kooperasaun no kompromisu entre rai rua.

“Ami ohin enkontru hodi ko’alia kona-ba oinsá atu reforsa, hatudu kompromisu kooperasaun di’ak entre Estadu Unidus Amerika mai Timor-Leste”, dehan Aurélio Guterres ba jornalista sira hafoin sorumutu ho Embaixadora EUA iha Rezidénsia MNEK Praia dos Coqeirros, ohin.

Enkontru ne’e toka liu kona-ba apoiu setór edukasaun, dezenvolvimentu komunitáriu, ekonomia, seguransa no defeza. Setór hirak ne’e la’ós foin mak EUA apoia mai Timor-Leste maibé dezde Timor-Leste ukun-aan, hanesan apoiu bilaterál entre nasaun rua, nune’e mós apoiu 500 miloen dolar durante tinan barak nia laran.

Nune’e mos, apoiu nivél multilaterál nian liuhosi organizasaun internasionál hanesan Banku Mundiál, Fundu Umanitáriu Internasionál no Ajénsia EUA nian iha TL inklui sira apoia prosesu adezaun ba azean.

Iha parte seluk, Embaixadora EUA, Katheleen M. Fitzpatrick, agradese ba kooperasaun Timor-Leste ho EUA liuhosi setór oioin liliu apoiu umanitaria hanesan iha eskola Likisa ne’ebé reabilita hosi mariña EUA nian.

“Ha’u kontente tebes atu vizita eskola iha Likisa no atu hasoru sira voluntáriu servisu iha ne’eba nu’udar símbolu ba kooperasaun Timor-Leste ho USAID”, dehan nia.

Jornalista: Zezito Silva

Editora: Rita Almeida

HUSIK IDA HATÁN