Misaun-Vizaun PNTL mak Fila ba Komunidade

0
177
Primeiru-Ministru, Marí Alkatiri, bainhira prega diviza ba membru ajente PNTL iha serimonia graduasaun ne'ebé hala'o iha akademia PNTL Komoro. Foto António Goncalves

DILI, (TATOLI) –  Primeiru-Ministru, Marí Alkatiri, fó hanoin ba graduadu ajente Polísia Nasionál Timor-Leste (PNTL) 178 katak misaun no vizaun PNTL mak fila ba komunidade hodi serbí.

”Bainhira sai polísia ona fila ba komunidade no famiília hanesan misaun ida atu serbí povu no Estadu demokrátiku no vizaun mak haburas no dezenvolve instituisaun Polísia Nasionál Timor-Leste hodi sai ezemplu bainhira halo relasaun ho hakbesik-aan ba povu, tenke sai mós ezmplu ba sira”, tenik nia iha akadémiku polísia Komoro, segunda, (22/1).

Hodi dehan tan polísia tenke sai ezemplu atu buka dalan ba komunidade no  haburas tan instituisaun PNTL rai doben Timor-Leste.

Nune’e mós nia dehan formasaun hanesan polísia la’os de’it atu hetan servisu maibé serví povu loron-loron atu povu fó konfiansa ba ajente polísia, no povu bele tur hakmatek.

Hakmatek katak hatene iha instituisaun ida tau matan hela ba sira, lais instituisaun ida sai ameasa ba sira.

Xefe Estadu akresenta PNTL la’o husi dalan naruk to’o ohin dalabrak hetan dezafíu no fó hanoin bainhira hetan juramentu sai polísia signifika tenke hatene konstituisaun no lei iha Timor-leste.

“Bainhira ita defende lei, ita tenke haree ba legalidade, saida mak la’o la loos polísia tenke denunsia, saida mak ilegal polísia tenke kombate. La’ós dehan ita defende lei maibé la defende legalidade”, katak.

Tanba ne’e nia fiar katak instituisaun ne’e rasik sei tau matan ba ajente hirak foin remata formasaun tan hetan formasaun akadémika no téknika naton, funsaun polísia nian hanesan komponente vokasaun, tenke iha vokasaun atu iha sentidu sakrifísiu, bainhira infrenta situasaun ezije atu halo sakrifísiu tenke prontu.

Hodi haktuir uluk FALINTIL sira serbí rai ne’e no fó an ba mate, tanba atu manan independensia no harii Estadu ne’e no agora PNTL no FDTL atu defende Estadu ida ne’e.

Jornalista: Julia Chatarina

Editora: Rita Almeida

HUSIK IDA HATÁN