KHUNTO Kongratula Desizaun Prezidente Repúblika

0
439
Símbolu partidu KHUNTO. Foto espesiál

DILI, (TATOLI) – Bankada Partidu Kmanek Haburas Unidade Timoroan (KHUNTO), Luís Roberto, kongratula desizaun Prezidente Repúblika ne’ebé deklara disolve Parlamentu Nasionál hodi hakat ba eleisaun antesipada.

“Ami kongratula desizaun Prezidente Repúblika tanba fó fila fali ba povu hodi solusiona impase polítika iha rai laran”, Luís hato’o ba jornalista sira iha Palásiu Prezidente Nicolau Lobato, Bairru Pité, Dili, sesta ne’e, hafoin rona desizaun Prezidente Repúblika, Francisco Guterres Lú Olo, hodi disolve Parlamentu Nasionál.

Nia dehan KHUNTO prontu ona atu tún hikas ba baze hodi mobiliza fila fali militante no simpatizante sira hosi KHUNTO atu partisipa iha eleisaun antesipada.

Luís hatutan KHUNTO sei hamutuk pakote ida ho CNRT no PLP iha eleisaun antesipada  atu bele manán maioria hodi forma Oitavu Governu Konstitusionál ida estável.

Nia haklaken sira sei tún ba baze hodi mobiliza militante no simpatizante sira hafoin Prezidente Repúblika marka loron eleisaun antesipada.

Jornalista: Xisto Freitas

Editora: Rita Almeida

HUSIK IDA HATÁN