Jape Group Sei Harii Tan CBD Andar 16

0
714
Primeiru-Ministru, Mari Alkatiri hamutuk Fundadór Jape Group, Jape Kong Su ho ninia ekipa. Foto: GPM

DILI, (TATOLI) – Fundadór Jape Group, Jape Kong Su, ho ninia ekipa bainhira hasoru malu ho Primeiru-Ministru, Marí Alkatiri, informa ho investór husi Singapura hakarak halo tan CBD (Central Bussiness District) andar 16 ho totál investimentu miliaun US$36.

“Ami mai hasoru Primeiru-Ministru atu fó hatene katak ami hakarak halo investimentu boot ida, edifísiu andar 16 ho totál orsamentu miliaun US$36”, tenik Jape Kong Su ba jornalista sira hafoin hasoru Xefe Governu iha Palásiu Governu, ohin.

Hodi hatutan investimentu ne’e sei hala’o ho investór husi Singapura iha Timor Plaza nia kotuk no konstrusaun ne’e sei dura tinan rua.

“Bainhira Estadu aprova ona investimentu ne’e, ami bele komesa konstrusaun iha tempu badak”, katak.

CBD ne’e sei iha shoping center, apartementu, eskritóriu no seluk tan no sei loke kampu traballu barak ba timoroan.

“Timoroan lubuk ida mak sei servisu no Estadu no governu sei simu lukru husi investimentu ne’e”, dehan tan.

Antes ne’e, Jape Group harii ona Timor Plaza ne’ebé konstrui husi Dili Development, Lda no halo lansamentu iha outubru 2011.

Timor Plaza kompostu husi shopping mall, otél, escritóriu, entertainment center, fatin ginástiku no seluk tan.

Jornalista: Julia Chatarina

Editora: Rita Almeida

HUSIK IDA HATÁN