Heineken Inaugura Plantasaun Multi Bebidas Iha TL

0
150
Ofisiál rekursu umanu HEINEKEN, Rita Maria Cairo Alves . Foto: Media RA

HERA (TATOLI)—Primeiru Ministru Mari Alkatiri no Prezidente Heineken ba Asia pasífiku, Frans Eusman, Segunda (22/01), ohin, inaugura plantasaun multi bebidas Heineken Timor S.A iha Hera, Dili.

Prezidente Heineken ba Asia Pasífiku Frans Eusman, haktuir Heineken asina akordu investimentu ho governu iha Janeiru 2015. no akordu ba rai no plantasaun Hera, asina iha Juñu 2015, maibe produsaun hahú iha Janeiru 2017.

Primeiru Ministru Mari Alkatiri, inaugura plantasaun multi bebidas Heineken Timor S.A iha Hera Dili.

“Ho espíritu entrepreneurial ne’ebé  ami avalia ba ami nia investimentu iha tinan 2013 kotuk ami hetan impresaun di’ak ho maturidade ekonómiku no polítiku nasaun nee nian, ba jere nia rikusoin mina liuhosi fundu rikeza soberanu ida, no investimentu harii infraestrutura iha longo prazu sei hadi’ak moris povu ni’an,” Frans Eusman esplika iha komunikadu ne’ebé mak Tatoli asesu ohin.

Heineken iha mundu nu’udar serveja internasionál ne’ebé fa’an ona iha nasaun 170 resin. Iha Timor-Leste Heineken hanesan investor estranjeiru primeiru maka investe iha setór fabrikasaun, ne’ebé oras ne’e daudaun kria empregu direta no indireta ba ema timoroan liu 600.

Enkuantu plantasaun multi bebidas Heineken Timor S.A, Heineken gasta ona osan Millions 38 dollar amerikanu, hodi harii ho klase mundiál no sei prodúz serveja oi-oin ho marka internasionál hanesan,  Bintang, Tiger, ABC,  inklui bebidas naun alcohol seluk tan.

(jornalista: Agapito dos Santos)

(Editór : Manuel Pinto).

HUSIK IDA HATÁN