Grupu Deskoñesidu Asalta Uma Hitu Iha Oekusi

0
165
Mapa Oekusi. Foto espesiál

OEKUSI, (TATOLI) – Sekretáriu Rejionál Asuntu Saúde iha Rejiaun Autónomu Enklave Oekusi Ambeno (RAEOA), Lucia Taequi, nu’udar vítima ba akontesimentu haktuir asalta ne’e akontese sesta dader 5.00 hodi halo rahun uma hitu.

“Ami la hatene grupu ne’e mai hosi ne’ebé no asalta hosi ne’ebé, nune’e ami komesa nakdedar tanba ita hader ho momentu disturbu, uma hirak ne’e estgara inklui komunidade sira nian no sira hakilar malu mak foin tuda”, hatutan Lucia ba jornalista sira iha Bairro Nunben, sabadu, (27/1).

Lucia dehan estraga ne’ebé akontese hanesan vidru janela kuartu nian mak rahun. La koñese grupu ne’ebé halo asaltu tanba eletrisidade iha uma balun nian mate. “Só iha ami nia uma mak moris maibé atu hafuu grupu ne’e mós ami tauk tanba ema barak besik ona ami no tuda vidru”.

“Momentu akontesimentu ne’e kedan ha’u kontaktu Komandante Polísia Rejiaun Oekusi hafoin sira mai atua hodi hakalma situasaun”.

Katak tan momentu kalan festa boot ida iha Bairu Padimau maibé mai asalta fali Bairu Nunben, grupu ne’e ema barak tebes hodi asalta.

“Ami haree sira halo preparasaun no organizadu atu mai asalta ami, agora uma hitu mak estragadu”, dehan tan.

Hatutan tan sei buka tuir no hatama ona keisa ba Polísia Nasionál Timor-Leste (PNTL) atu investiga hodi kaptura ema hirak ne’e eh autór sira hodi prosesa tuir lei.

Enkuantu, autoridade ne’e diskunfia nia staf balun. “Staf ne’e hatene ha’u no ha’u mós koñese nia maibé ha’u nia staf rasik mak halo ba ha’u”, deskonfia nia.

Hatutan tan: “Ha’u hatene katak staf mak halo tanba nia mai hakilar iha uma dehan tuda de’it no dehan ha’u mak organiza grupu ida ne’e, viziñu sira hatene no koñese nia bainhira nia hakilar iha fatin ne’e”.

Durante ne’e katak tan la halo problema ho staf ne’e, maibé staf hotu kumpri regra institusionál. Asaun ne’ebé sira halo ne’e konsidera krime públiku tanba ne’e tenke prosesa tuir lei.

Iha parte seluk, Salvadór da Cruz, abitante bairru Nunben nu’udar mós vítima hateten akontesimentu ne’e derepente.

Joven sira agora ne’e nia hahalok oin seluk. Atitude joven sira ne’e la di’ak tanba ne’e presiza muda hahalok atu kontribui ba pás no estabilidade hodi tama filleira dezenvolvimentu tanba joven sira mak futuru nasaun.

Entretantu, Komandante Polisia Nasionál Timor-Leste Rejiaun Oekusi, Arnaldo de Jesus via telefónika hateten prosesu investigasaun la’o hela maibé deskonfia ona autór nain ida eh rua.

Investigasaun hotu mak bele prosesa autór sira tuir lei haruka tanba asaun ne’e krime normál. Akontesimentu ne’e rezulta vidru rahun, no uma estragada.

Jornalista: Zezito Silva

Editora: Rita Almeida

HUSIK IDA HATÁN