Governu Korea Hakarak Prodús Timoroan ho Kualidade

0
110
Embaixadór Korea Súl ba Timor-Leste, Lee Chin Beom (tara tais) bainhira halo vizita ba eskola refere. Foto Agapito dos Santos

DILI, (TATOLI) – Embaixadór Korea Súl ba Timor-Leste, Lee Chin  Beom, hateten hakarak nafatin apoiu Timor iha setór edukasaun hodi prodús rekursu umanu timoroan ho kualidade.

Ajudu ne’e oferese liuhosi ajénsia Koperasaun Internasionál Korea  KOIKA iha área tekníka no finansiamentu ba Eskola Sekundária Téknika Vókasionál-Grupu Teknolojia Indústria Bekora (ESTV-GTI).

ʺBa futuru KOIKA no ESTV-GTI  tenke servisu maka’as liután hodi prepara rekursu umanu iha eskola ne’e atu timoroan maka tenke sai transformadór ba dezenvolvimentuʺ, dehan Lee durante vizita ESTP-GTI Bekora, ohin.

Dezenvolvimentu TL sei la’o di’ak bainhira iha rekursu umanu ho kualidade tanba ne’e garante KOIKA no ESTV-GTI sei hadi’a di’ak liután kualidade edukasaun iha eskola téknika ne’e.

Nia hateten Korea Súl sai nasaun dezenvolvidu tanba rekursu umanus kualifikadu iha setór hotu, tanba ne’e TL mós tenke prepara ninia rekursu umanu.

Diretór ESTV-GTI Bekora, Francisco Guterres, hateten, vizita ne’e atu haree diretamente apoiu hosi governo Korea ba ESTV-GTI.

Durante ne’e Governu Korea liuhosi KOIKA  apoiu ona eskola refere hanesan reabilitasaun edífisiu, apoiu professór voluntáriu no ekipamentu aprendizajen iha área automotiv, tekonolojia informatika, eletrisidade no seluk tan.

Vizita ne’e embaixadór halo mós observasaun ba ekipamentu ofisina no seluk tan.

Jornalista: Agapito dos Santos

Editora: Rita Almeida

HUSIK IDA HATÁN