Governu Aprova Rejimentu Foun Prosedimentu Investimentu Privadu

0
204
Enkontru Konsellu Ministru ohin. Foto mídia MS

DILI, (TATOLI) – Governu liuhosi reuniaun Konselhu-Ministru (KM), ohin aprova rejime foun ba regulamentu no prosedimentu investimentu privadu ne’ebé aprezenta husi Primeiru-Ministru, Marí Alkatiri, no Ajénsia ba Promosaun Investimentu no Esportasaun Timor-Leste (TradeInvest).

“Sorumutuk ohin, Konselhu Ministru aprova dekretu governu ida kona-ba rejime foun ba regulamentu no prosedimentu investimentu privada ho amenda lubuk ida”, tenik Sekretáriu Estadu Konsellu Ministru no Komunikasaun Sosiál, Matías Boavida, ba Jornalista sira iha Palásiu Governu.

Hodi informa tan rejime foun ne’e ko’alia kona-ba prosedimentu investimentu privadu ne’ebé antes ne’e tama vigor iha agustu 2017.

Rejime investimentu privadu foun ne’e, atu simplifika no disbirokratiza regras investimentu esternu iha rai laran no halo harmonizasaun ba lejislasaun nasionál nian.

Nune’e mós estabelese regras konjunta ida atu bele haree kona-ba prosedimentu ba atribuisaun no benifísiu sertifikasaun ba investidór nasionál no internasionál sira.

Alende aprovasaun rejimentu foun investimentu privadu, governu mós aprova rezolusaun kona-ba regras espisífika lisensiamentu atividade esplorasaun mineira, atribuisaun subsídiu komplementár iha oras estra ba funsionáriu Ministériu Planu no Finansas no pedidu Asian Development Bank (ADB) ba asinatura karta garantia nian.

Jornalista: Julia Chatarina

Editora: Rita Almeida

HUSIK IDA HATÁN