Erru Barak Iha Tranzasaun Eletrónika

0
179
Prezidente Komisaun E Parlamentu Nasionál (PN), Abel Pires

DILI (TATOLI) Komisaun E Parlamentu Nasionál (PN) ne’ebé trata asuntu infraestrutura, komunikasaun no telekomunikasaun, ohin, Kinta (25/01) halo fiskalizasaun ba Autoridade Nasionál Komunikasaun (ANC) hodi buka hatene servisu autoridade regulador nian.

Ekipa fiskalizador sira ne’e lidera hosi deputadu Abel Pires, nu’udar Prezidente E hamutuk ho membru komisaun sira konsege deteta erru barak iha parte tranzasaun eletrónika.

“Ohin mai halo fiskalizasaun no identifika lakunas barak tanba Timor-Leste sidauk iha lei tranzasaun eletróniku, lei ne’e importante tebes”, tenik ba jornalista sira hafoin halo fiskalizasaun iha edifísiu ANC Kaikoli, ohin.

Ho erru ne’e mak iha komisaun E deteta, iha semana rua oin mai ANC sei halo enkontru ho Parlamentu Nasionál hodi prepara ezbosu lei tranzasaun eletrónika hodi regula.

Entretantu tranzasaun eletrónika hanesan hahalok ne’ebé halo uza komputadór, rede komputadór no mídia eletrónika seluk tan. Komputadór ne’ebé uza hanesan plataforma hodi prosesu dadus eletrónika, magnétika, óptika, ka sistema ne’ebé ezekuta funsaun lójika no aritmétika.

Dokumentu tranzasaun eletrónika bele sai konsumu públiku hanesan informasaun ho maneira lansa, enkaminha, divulga, simu, ka rai ho tipu anlójiku, dijitál, eletromagnétika, optical no seluk tan ne’ebé hare no rona husi públiku liuhosi plataforma ida.

Transa-saksaun eletrónika fó sai ho eskrita, lian, imajen, mapa, no seluk tan ne’ebé iha signifikadu no ema bele komprende.

Iha nasaun viziñu Indonézia, lei hanesan ne’e komesa vigor iha tinan 2008 ho naran lei Informasaun no Tranzasaun Eletróniku (ITE) númeru 11/2008 ne’ebé regula informasaun  nomós tranzasaun eletróniku, ka teknolojia informasaun jerál.

(Jornalista: Julia Chatarina)

(Editór : Manuel Pinto)

HUSIK IDA HATÁN