Embaixadór Filipina Hasoru Malu Ho PM

0
140
Embaixadór Filipina ba Timor-Leste, Mu Ing, entrega karta saudasaun ba Primeiru-Ministru, Foto: GPM

DILI, (TATOLI) – Embaixadór Filipina ba Timor-Leste, Mu Ing, hasoru malu ho Primeiru-Ministru, Marí Alkatiri, hodi hato’o karta saudasaun ba Estadu no Governu Timor-Leste.

“Enkontru ne’e hanesan konvite ida husi Primeiru-Ministru ba ha’u desde to’o Dili iha fulan setembru tinan liubá hodi simu mandatu nu’udar embaixadór Filipina no iha asuntu ofisiál ne’ebé ha’u hato’o mak karta saudasaun ba Estadu no Governu Timor-Leste’, tenik Mu Ing ba jornalista sira iha Palásiu Governu, ohin.

Nune’e mós biban ne’e aproveita informa ba xefe governu kona-ba vizita delegasaun husi Filipina hanesan investór balun ne’ebé mak hakarak mai vizita no haree saida mak sira bele ajuda iha Timor-Leste.

“Investór sira sei haree saida mak sira bele investe hodi ajuda dezenvolvimentu iha Timor Leste”, katak.

Filipina hanesan nasaun membru ASEAN (Association of South East Asean Nation) ne’ebé fó apóiu tomak ba Timor-Leste hodi tama ba membru ASEAN.

Alende ne’e Filipina mós iha ona relasaun bilaterál ho Timor-Leste no kooperasaun iha área edukasaun no seluk tan.

Jornalista: Julia Chatarina

Editora: Rita Almeida

HUSIK IDA HATÁN