EDTL Hatama Millaun 59.650 Ba Kofre Estadu

0
154
Osan Dolar Amerika

DILI (TATOLI)—Diretór Jerál EDTL, Virgílio Guterres informa iha tinan 2016 to’o 2017, EDTL hatama osan hamutuk millaun 59,650 dolar Amerikanu ba kofre Estadu.

Tinan 2016, EDTL kobra osan hamutuk millaun 29 no 2017 koleta osan hamutuk millaun 30,650, osan hirak ne’e kobra hosi fa’an enerjia eletrisidade, ligasaun direta, multa husi ligasaun illegal no seluk tan.

Maski nune’e oras ne’e EDTL Munisípiu Dili laiha stock prepago atu atende konsumidór sira bainhira atu instala prepago. Maibé, stock prepago iha munisípiu balun sei iha atu uza bainhira EDTL Dili presiza.

ʺProblema maka ami nia stock prepagao iha Dili laiha ona, ba rezerva aat ruma ami arraska atu foti solusaun, maibé ami sei foti fali balun husi munisípiu para atende fali Dili,ʺ nia garante

Entretantu iha territóriu Timor laran tomak iha ona Uma kain rihun 149 resin uza ona enerjia eletrisidade maibé, rihun 120 maka instala ona prepago, maibé rihun 29 resin sei instala bainhira funsionamentu governasaun dahituk la’o di’ak.

ʺIha área urbana hotu ona maibé suku no Aldeia sira iha rural sei instala hotu,ʺ Virgílio haktuir.

(Jornalista: Agapito dos Santos)

(Editór : Manuel Pinto)

HUSIK IDA HATÁN