CNRT-PLP no KHUNTO Enkontru ho PR

0
691
Deputadu/a AMP enkontru ho PR Lú Olo

DILI (TATOLI)–Bankada partidu opozisaun tolu iha Parlamentu Nasionál hanesan CNRT, PLP no KHUNTO hala’o enkontru ho Prezidente Repúblika iha Palásiu Prezidente Nicolau Lobato, Bairru Pité, Dili, Kuarta ne’e.

Objetivu hosi soru-mutu ne’e, Xefe Bankada Partidu Libertasaun Populár (PLP), Fidelis Magalhães esplika katak sira mai hato’o votus tinan foun ne’ebé nakonu ho saúde no susesu ba Prezidente Repúblika.

Deputadu Fidelis Magalhães (tuur karreta oin), Deputada Maurício Ákara ho Deputadu Demétrio Amaral, fila hosi enkontru ho Prezidente Repúblika, Kuarta (17/01).

“Ami bankada tolu mai retira ami nia respeitu no dezeju ne’ebé di’ak liu ba Prezidente Repúblika ho nia estrutura no família,” Fidélis haktuir.

Nia hateten, iha biban ne’ebá, sira la ko’alia ho Xefe Estadu kona-ba kestaun polítika.

“Ami mai enkontru ho Prezidente Repúblika no hafoin enkontru, ami la sai hanesan Prezidente Repúblika. Prezidente Repúblika só ema ida de’it,” Fidelis reforsa tan.

(Jornalista: Xisto Freitas)

(Editór : Manuel Pinto)

HUSIK IDA HATÁN