Bainhira Estensionista Sira Lahalo Serbisu Hato’o Ba MAP

0
42
Ministru Estadu no Ministru Agrikultura no Peska, Estanislau Aleixo da Silva.

DILI, (TATOLI) – Ministru Estadu no Ministru Agrikultura no Peska (MAP), Estanislau Aleixo da Silva, hatete bainhira estensionista sira ne’ebé lahalo serbisu tenke hato’o ba ministériu para bele hatene tanba MAP daudaun ne’e halo hela revizaun ba serbisu estensionista sira-nian.

“Mas agora osan ne’e susar, ita iha situasaun ida ne’ebé serbisu barak hakarak hala’o, iha difikuldade uitoan mas agora ami kontente tanba udan been di’ak, ami sei haree estensionista balun serbisu di’ak no balun ami sei hasa’e mós sira-nia kapasidade no haree oinsá mak aumenta tan tuir serbisu ne’ebé iha, la’ós aumenta para aumenta de’it ne’e la’e”, Estanislau dehan iha Palásiu Governu, ohin.

Hatutan prezensa estensionista sira iha kada suku ema ida, maibé estensionista sira ne’ebé la serbisu tenke hato’o ba ministériu no autoridade munisipál nian hodi hatete katak sira lahalo serbisu.

“Para ami bele hatene saida mak ami bele halo, agora sira nonok de’it labele. Diretór munisípiu no rejionál sira mak haree depois sira fó informasaun. Sira ne’ebé la serbisu ami muda”.

Aleinde ne’e hatán sobre serbisu ministériu nian ho orsamentu duodésimu nian katak natoon ba halo serbisu no klaru katak iha buat barak ne’ebé labele hala’o hanesan despeza públika balun, reabilitasaun irrigasaun boot tenke para no hein orsamentu foun.

“Ami hakarak reabilita irrigasaun Maukola ne’ebé área de cultivo boot tebes ektare 3000 mas pasiénsia osan laiha. Hakarak halo reabilitasaun, tau osan para hadi’a irrigasaun Maliana I mas irrigasaun balun ne’ebé ami tau para hala’o tinan kotuk aprovizionamentu halo ona, serbisu komesa ona enkantu irrigasaun balun seidauk reabilita hotu. Agora ami iha eskavadora, Xina fó tan rua, tinan kotuk ami hola rua foun tantu natoon para hodi ajuda mas serbisu la’o hela no ohin loron iha fatin barak iha tanke haki’ak ikan no populasaun asesu ba han ikan”.

Hatán mós sobre funsionáriu kontratu iha MAP nian, Estanislau dehan laiha funsionáriu ida mak sai, bens e serviços hotu-hotu mantein maibé kontratu foun mak laiha.

“Osan iha para selu sira, duodésimu asegura laiha ida mak sai. Duodésimu to’o hela, ami agora halo jestaun perfeitamente”.

Jornalista: Maria Auxiliadora

Editora: Rita Almeida

HUSIK IDA HATÁN