Aniversáriu FP, PM Sei fó Prémiu Ba Funsionáriu

0
117
Prezidente Komisaun Funsaun Públika (KFP), Fautino Cardoso dada lia ho Jornalista sira iha Palasiu Governo. Foto Tatoli: Egas Cristovão

DILI (TATOLI)—Prezidente Komisaun Funsaun Públika, Faustino Cardoso informa katak selebrasaun aniversáriu Komisaun Funsaun Públiku, iha fulan Jullu, loron 15, tinan ida ne’e, Primeiru Ministru sei fó prémiu ba funsionáriu sira ne’ebé nia prestasaun servisu di’ak liu.

“Distinsaun prémiu ne’e hodi valoriza funsionáriu sira ne’ebé konsege hatudu dezempeñu di’ak liuhosi kriatividade no inovasaun ne’ebé implementa iha ida-idak nia servisu,” Faustino Cardoso informa bainhira partisipa enkontru trimestrál ho funsionáriu Kargu Xefia hosi ministériu hotu, iha  Salaun Ministériu Finansas, Sesta (19/01).

Nia dehan, prémiu hanesan medalla, nune’e mos Gabinete Primeiru Ministru sei oferese osan (la hatene montante hira) ba funsionáriu ne’ebé méritu iha servisu fatin.

Enkuantu funsionáriu se-se mak sei hetan prémiu, ne’e depende ba avaliasaun dezempeñu mak sei termina.

ʺAvaliasaun iha rua Avaliasaun prelimar hala’o iha kada ministériu no tenke hatama ona ba funsaun Públika tarde liu fulan Marsu, avaliasaun ba prémiu ne’e ketak, ida ne’e rezultadu ikus sei fó sai iha fulan Juñu, ʺ Faustino esplika.

Hodi hatutan, to’o ohin loron seidauk iha ekipa avaliador  sira, maibé sei estabelese iha tempu badak tanba daudaun ne’e Funsaun públika ho Gabinete Primeiru Ministru haree hela asuntu ne’e.

Enkuantu iha tinan 2016, ekipa avaliador kompostu hosi Komisaun Funsaun Públika, Provedór Diretu Umanus no Justisa, Inspetór Jerál Estado, no Komisaun Anti Korrupsaun.

“Distinsaun Prémiu iha tinan rua kotuk kada vensedor hetan osan 3.000 dollar Amerikanu, Maibé ba 2018 seidauk deside ninia montante. Iha tinan 2016 ita fó ba ema na’in haat no tinan 2017 númeru aumenta, maibé ba tinan ida ne’e ita seidauk hatene aumenta ou menus, ʺ Faustino salienta.

(Jornalista: Agapito dos Santos)

(Editór : Manuel Pinto)

HUSIK IDA HATÁN