Alkatiri ‘Lakon Kontaktu’ Ho Xanana

0
718
Xanana Gusmão akompaña presta deklarasaun ba jornalista sira sobre formasaun governu hafoin hasoru malu iha Hotel Novo Turizmu, ohin. Foto Tatoli/Antonio Goncalves

DILI (TATOLI)—Primeiru Ministru Sétimu Governu, Mari Alkatiri rekoñese katak to’o ohin loron nia la ko’alia ho Negosiador Prinsipál Fronteira Marítima, Kay Rala Xanana Gusmão maski liu hosi telefone de’it, basa Xanana Gusmão nia númeru telefone troka tiha ona.

Primeiru Ministru, Mari Alkatiri

“VII Governu durante ukun fulan neen de’it, maibé susar tebes to’o Prezidente Repúblika, Lu-Olo disolve Parlamentu no deside eleisaun antesipada, enkuantu iha ámbitu impasse polítika, ha’u ho Xanana Gusmão la ko’alia ba malu durante fulan haat mezmu nia servisu iha rai li’ur, maibé númeru telefone mós muda ona no susar kontaktu nia,” Mari Alkatiri dehan bainhira diálogu ho komunidade Rejiaun Autónomu Enklave Oe-cusse Ambenu (RAEOA) iha Salaun Alfándega Paleban, foin lalais ne’e.

Nia dehan laloos bainhira ema hanoin katak durante ne’e Alkatiri mak taka an no lakohi halo komunikasaun.

“Balun dehan atu ko’alia ho ha’u lakon tempu, maibé ha’u la ko’alia sala buat ida maibé sira mak lakohi kolabora.”

Maski nune’e Alkatiri fiar katak iha tempu besik Prezidente Repúblika sei buka tempu hodi tenta atu lideransa sira bele ko’alia ba malu.

(Jornalista : Zezito Silva)

(Editór : Manuel Pinto)

HUSIK IDA HATÁN