iklan

SAÚDE

Doutór Programa Saúde Matan Soru-mutu ho Prezidente Repúblika

Doutór Programa Saúde Matan Soru-mutu ho Prezidente Repúblika

Doutór sira ba Programa Saúde Matan hasai foto hamutuk ho Prezidente Repúblika, Francisco Guterres Lú Olo, hafoin enkontru. Imajen Mídia Palásiu PR.

DILI, (TATOLI) – Doútor Espesialista Cirurgão Oftamologista, Nittin Verma, segunda ne’e, hasoru malu ho Prezidente Repúblika, Francisco Guterres Lú Olo, hodi ko’alia kona-ba Programa Saúde Matan “East Timor Eye Program” iha Timor-Leste.

East Timor Eye Program hala’o nia misaun iha Timor-Leste durante tinan ualu ona, dezde tinan 2000 hodi kooperasaun ho Ministériu Saúde.

“Agora iha prosesu estabelese programa liuhusi harii infraestrutura, formasaun ba doutór no enfermeira sira. Programa ne’e sei abranze to’o munisípiu 13 no postu administrativu sira”, hatete Nittin Verma ba jornalista sira iha Palásiu Prezidente Nicolau Lobato, Bairru Pité, hafoin sorumutu ho Xefe Estadu.

Doutór ne’e hein katak iha tinan rua mai tan, sei iha doutór timoroan ho kualidade aas, nune’e mós infermeira ne’ebe di’ak no tékniku saúde dedikadu iha munisípiu 13  no postu administrativu sira.

Nittin hatutan iha tinan hirak tuir mai, Timor-Leste la haruka tan nia pasiente atu halo tratamentu iha estranjeiru tanba ho prezensa doutór timoroan sira nian.

Nittin Verma husu ba Prezidente Repúblika atu sai patron ba Timor-Leste Eye Program, hanesan aplika tiha ona ba Prezidente dahuluk sira. “Ami mós kontente tebes tanba hetan apoio hosi Prezidente Repúblika ba programa ne’ebé mak ami atu halo iha Timor-Leste”, haktuir.

Jornalista: Xisto Freitas

Editora: Rita Almeida

iklan
iklan

Leave a Reply

iklan
error: Content is protected !!