Rekursu Umanu Factor Determinante Dezenvolve TIK

0
140
Vise-Ministru Obra Públika, Transporte no Telekomunikasaun II, Inácio Freitas Morreira. Foto/António Gonçalves.

DILI (TATOLI)– Vise Ministru Obras Públika, Transporte no Komunikasaun, Inácio Moreira hateten factor importante atu dezenvolve área teknolojia informasaun no komunikasaun (TIK) mak tenke halo kapasitasaun ba rekursu umanu.

“Atu dezenvolve área teknolojia informasaun no komunikasaun, ba futuru importante liu maka tenke kapasita rekursu umanu ne’ebé espesializada ba área refere no dedika ninian an tomak atu servisu professional liu tan,” Inácio Moreira informa ba jornalista sira iha semináriu daruak Autoridade Nasionál Komunikasaun (ANC) ho tema National Cyber Security 2017  iha Suai Room Timor Plaza, Segunda (11/12).

Inácio hatutan, área TIK importante tebes ba nasaun tanba ne’e se dezenvolve ho di’ak liután iha futuru presiza rekursu umanu ne’ebé preparadu no lejizlasaun ne’ebé rigorozu.

Atu hetan rekursu no lejizlasaun ida ne’ebé rigor nia parte konsidera inisiativa Autoridade Nasionál Komunikasaun (ANC) hodi halo semináriu hamutuk ho JICA hanesan faze ida rekolla informasaun sientífiku hodi prepara planu ne’ebé di’ak liu tan.

Enkuantu kapasitasaun kapasitasaun iha área TIK hahú ona hetan tulun hosi governu Japaun liuhosi JICA– Japan International Cooperation Agency bazeia ba akordu Ministériu Dezenvolvimentu Reforma Institusionál liu hosi ANC ne’ebé dura ba tinan rua.

Kestaun seluk ne’ebé presiza implementa lalais mós hanesan fibra óbtika husi tasi okos no bainhira instaladu ona kualidade komunikasaun di’ak liu tan.

“Governu hanoin atu aselera investimentu fibra óbtika,” Inácio salienta.

(Jornalista: Julia Chatarina)

(Editór : Manuel Pinto)

HUSIK IDA HATÁN