Prezidente Repúblika La-Husik Povu Terus

0
173
Sosiedade Sívil bainhira halo diálogu ho Prezidente Repúblika iha Palásiu Prezidente, ohin. Foto mídia PR

DILI, (TATOLI) – Prezidente Repúblika, Francisco Guterres Lú Olo, hatete sei la permite atu husik povu terus tan, tanba kualker tipu desizaun ne’ebé sei hola, laiha implikasaun ba povu nia vida.

“Prezidente Repúblika sei halo esforsu posível atu bele halo buat sira ne’e hotu laiha”, hatete Xefe Estadu  bainhira halo diálogu ho sosiedade sívil sira iha Palásiu Prezidente Nicolau Lobato Bairo Pité, ohin.

Lú Olo konsidera povu sira iha maturidade polítika todan no aas ba bebeik, problema mak iha leten.

“Dalaruma ha’u hateten povu nia dever vota ne’e hotu ona, agora problema ne’e iha leten, husik sira iha leten rezolve, se la rezolve ita ajuda rezolve problema sira ne’e hotu”, akresenta.

Tanba ne’e, tuir ema númeru ida iha estadu ne’e, povu ida ne’e la merese atu hetan tan terus no konsekuénsia. Todan ba fali povu sei laiha. “Situasaun polítika ida ne’e implikasaun ha’u haree ona”, garante.

Diretór Asosiasaun HAK, Manuel Monteiro, louva deklarasaun ne’ebé xefe estadu fó sai. “Ami kontente. Konjuntura polítika ida ne’e sei la kontribui ba situasaun ida ne’ebé mak todan liu-liu ba povu. Hein katak sua ekselénsia uza duni poder konstitusionál atu tetu, deside hodi la fó efeitu boot ba povu no rai ida ne’e”, katak Monteiro.

Jornalista: Rafy Belo

Editora: Rita Almeida

HUSIK IDA HATÁN