PNTL Sei Garante Seguransa Iha Debate OR

0
52
Komandante Jerál Polísia Nasionál Timor-Leste (PNTL), Komisáriu Júlio da Costa Hornay. FOTO MEDIA PR

DILI, (TATOLI) – Komisáriu Polísia Nasionál Timor-Leste (PNTL), Júlio Hornay, hateten komando sei garante seguransa ba deputadu sira iha uma fukun Parlamentu Nasionál (PN) durante diskusaun Orsamentu Retifikativu (OR) iha semana oin.

“Ba diskusaun orsamentu, deputadu sira bele avontade diskute no deside ba, ami seguransa prontu iha liur hodi asegura deputadu sira hodi hala’o sira nia diskusaun ba orsamentuʺ, dehan ba jornalista sira iha Palásiu Prezidensiál Bairo Pité, ohin.

Komisáriu dehan preokupasaun Prezidente PN, Aniceito Guterres, kona-ba seguransa ne’e asuntu polítika, maibé komando sei koloka membru sira tuir nesesidade.

ʺÁrea parlamentu ne’e ki’ik, ita bele koloka mais nesesidade mós ami prontidaunʺ, tenik. PNTL sei husu apoiu FALINTL-Forsa Defeza Timor-Leste (F-FDTL) bainhira nesesidade iha terenu atu asegura durante diskusaun ne’e la’o.

PN no governu sei halo diskusaun generalidade ba OR iha loron 18 fulan-dezembru.

Jornalista: Agapito dos Santos

Editora: Rita Almeida

HUSIK IDA HATÁN