PM Alkatiri ‘Hirus’ Komunidade

0
507
Primeiru Ministru, Marí Alkatiri bainhira ko'alia iha kongresu daruak komité 12 Novembru ne'ebé hala'o iha Sentru Konvensaun Dili, ohin. Foto António Goncalves

DILI (TATOLI)—Primeiru Ministru sétimu governu konstitusionál lamenta ou ‘hirus’ komunidade balun iha kapitál Dili ne’ebé fura kanu bee nian hodi hetan bee-mós, enkuantu komunidade seluk  sai vítima ba hahalok refere.

Primeiru Ministru hato’o nia lamentasaun ne’e bainhira hala’o enkontru ho diretór jerál água no saneamentu iha ámbitu aprezentasaun kona-bá polítika bee-mós iha sidade urbana.

“ita sira bee utilizadór bee nee, ita fura kanu hodi la koopera estadu, atu halo manutensaun, ” Xefe governu, Mari Alkatiri dehan iha Palásiu Governu, ohin.

“Komunidade sira la dixiplina hodi fura bee la tuir regulamentu Agua no saneamentu tanba de’it distánsia bee moos dook husi ninia uma.”

“Bee moos ne’ebé hemu nian ita uza fali hodi rega jardín, fase karreta, tanba nee maka ita tenke kontrola atu vida sira iha sidade tenke dixiplina duke iha kampu, ” nia realsa.

Hodi husu ba parte Agua no saneamentu hodi tau matan urjentimente tau matan ba munisípiu Kovalima tanba iha ne’ebá falta bee-moos.

Ba munisípiu seluk hanesan Dili, Baukau, Same, Lautem, no Manatutu dirasaun Agua no saneamentu aprezenta atu investimentu ba bee-moos iha Primeiru Ministru rasik.

Nune’e mós tuir estimasaun too 2030 governu sei gastu kuaze orsamentu jerál estadu tinan ida nian hodi investe iha bee-moos.

Diretór jerál Agua no saneamentu, Gregóriu de Araujo promete katak nia parte sei kontinua halo kontrolu atu komunidade labele kontinua fura kanu.

(Jornalista Agapito dos santos).

(Editór : Manuel Pinto)

HUSIK IDA HATÁN