PJR Sei  Halo Inspesaun ba Majistradu

0
59
Prokuradór Jerál Repúblika, José Ximenes. Foto mídia PR

DILI, (TATOLI) – Prokuradór Jerál Repúblika, José Ximenes, hateten tinan oin ninia parte sei halo inspesaun ikus ba majistradu sira.

“Sira ne’e kompleta ona formasaun judisiáriu durante tinan tolu no sira ne’ebé tuir ona inspesaun maibé la-pasa, tanba ne’e entrega fali para sira bele inspesaun ba prokuradór jerálʺ, dehan José Ximenes hafoin enkontru semanál ho Prezidente Repúblika, Francisco Guterres Lú Olo, iha Palásiu Prezidensiál Bairo Pité, ohin.

Inspensaun ne’e parte ida atu hadi’a kareira servisu majistradu sira nian. Majistradu sira ne’ebé sei hetan inspesaun tuir ona formasaun judisiáriu durante tinan tolu nomos sira ne’ebé maka la-konsege pasa iha inspesaun antes ne’e.

Maibé prokuradór ne’e la-mensiona klaru kona-ba majistradu nain hira maka sei tuir inspesaun iha tinan oin.

Enkontru mensál ne’e informa mós kona-ba funsionamentu servisu ministériu públiku nian durante fulan-outobru nomos kona-ba kazu Tiago Fong Fong no nia kaben ba Prezidente Repúblika.

Jornalista: Agapito dos Santos

Editora: Rita Almeida

HUSIK IDA HATÁN