Operasaun Garuda Air Lines Sei Lansa Semana Oin

0
224
Vise-Ministru Obra Públika, Transporte no Telekomunikasaun, Inácio Morreira, organiza konferénsia imprensa. Foto TATOLI: Egas Cristovão

DILI, (TATOLI) – Vise-Ministru Obra Públika, Transporte no Telekomunikasaun, Inácio Morreira, hatete semana oin sei lansa operasaun aviaun Garuda Air Lines hodi halo viajen ho rute Dili-Kupan no Kupan-Dili.

“Alende TransNusa ne’ebé ohin hahú halo operasaun, kuarta semana oin sei halo tan lansamentu ba operasaun operadór seluk ne’ebé halo mós rute hanesan, depois ita sei haree dokumentu legál balun atu bele halo rute Kupan-Dili-Darwin ba mai”, hatutan vise-ministru liuhusi konferénsia imprensa iha aeroportu internasionál Nicolau Lobato Komoro.

Governante ne’e hatutan la iha manipulasaun ruma tanba sei iha kompetisaun. “Ko’alia kona-ba kustu, bainhira kompete ona automatikamente sei hatudu loloos kustu ne’ebé razoável, apropriadu, ne’e mak ha’u hakarak hato’o”, katak tan.

Garuda Air Lines hanesan transporte aereo nasionál Indonézia nian ne’ebé hahú operasaun dezde 28 dezembru 1949 no dadaun ne’e eskritóriu sentrál iha Jakarta Indonézia.

Jornalista: Rafy Belo

Editora: Rita Almeida

HUSIK IDA HATÁN