Ministru Somotxo Agradese Misaun Umanitária Xina

0
102
Ministru Defeza no Seguransa (MDS), José Agostinho Sequeira Somotxo.

DILI (TATOLI) – Ministru Defeza no Seguransa (MDS), José Agostinho Sequeira Somotxo hato’o agradese wain ba Ró ahi Xina, ARCA DA PAZ nia misaun umanitária ne’ebé fó asisténsia médika gratuita ba populasaun, veteranu no autoridade seguransa sira iha Timor-Leste.

Tuir Somotxo misaun umanitária ne’e nia tempu limitadu tebes maibé konsege fó atendimentu ba ema Timor sira hamutuk 7000 resin.

“ARCA DA PAZ nia estadia iha Timor-Leste durante loron sia, fó atendimentu ba ita nia sosiedade no populasaun ba konsulta hotu-hotu la’o ho di’ak, soque tempu badak liu populasaun tomak iha fatin dook hanesan iha distritu lá konsege hetan oportunidade ida ne’e, maski nune’e konsege halo tratamentu ba ema na’in 7000 resin,” Somotxo tenik ba jornalista sira iha Portu Dili, ohin.

Nia hatutan, ema 7000 resin ne’ebé halo konsulta iha ró ahi laran, Atauru, embaixada xina no kuartél.

Governante ne’e agradese hodi povu Timor-Leste nia naran, VII governu konstitusionál, no veteranu sira no hateten “imi liu lori saudades, ami hela mós hela ho saudade.

Tuir nia, Ró ahi Xina mai Timor-Leste hanesan operasaun militár no ospitál sivíl maibé ida ne’e halo parte libertasaun povu Xina, nia nó mós halo parte mariña Xina nian.

Nune’e nia rekomenda ba embaixada, povu xinés, ministru defeza no seguransa xina nian atu hanoin dala ida tan mai Timor-Leste tanba ho kondisaun real ne’ebé povu liu, presiza mós ARCA DA PAZ nia apoiu.

Ró ahi Xina, ARCA DA PAZ durante nia misaun ha’u husi tinan 2010 to’o 2015, konsege halo konsulta no fó asisténsia médika gratuita  ba nasaun 29 iha rejiaun Ázia, Áfrika, no Oseánia ba ema kuaze rihun 120 iha Xina mós populasaun sira iha mundu.

Iha Timor-Leste, Ró ahi ne’e hahú hala’o misaun saúde iha loron 14 to’o 21 Dezembru hodi fó tratamentu.

(Jornalista: Julia Chatarina)

(Editór : Manuel Pinto)

HUSIK IDA HATÁN