Manchester Ajuda Mákina Sunu Ai-moruk Ba ONGV

0
150
WHO entrega makina insinerador ba ONGV liuhosi Diretor Ezekutivu, Jose Antonio iha ONGV, Kinta (28/12).

DILI (TATOLI) –Manchester-Inglaterra apoiu tan mákina insineradór (utiliza sunu lixu médiku no lixu non médiku) ba Timor-Leste liuhosi Ospitál Nasionál Guido Valadares (ONGV) no ohin (Kinta-Red) ONGV simu Mákina refere iha ONGV, Bidau.

Jose Antonio Gusmão dehan, mákina insineradór hosi nasaun Inglaterra nian ne’ebé Organizasaun Saúde Mundiál hodi apoiu mai Timor-Leste liuhosi Ospitál Nasionál Guido Valadares (ONGV) atu utiliza sunu lixu médiku no lixu non médiku.

“Mákina ne’e modernu tebes no hanaran insineradór hosi Manchester-Inglaterra nian ne’ebé lori apoiu hosi Organizasaun Saúde Mundiál (OMS) atu uza hodi sunu lixu hirak ne’ebé iha Ospitál Nasionál,” esplika Diretór Ezekutivu (ONGV), Jose Antonio Gusmão ba Ajénsia Tatoli hafoin halo serimónia entrega iha fatin mákina insineradór Bidau Santan, Kinta (28/12).

“Agradese tebes tanba ohin Organizasaun Saúde Mundiál bele apoiu mákina insineradór ne’ebé moderna ho uza elétrika mai ita.”

Nia dehan antes ne’e ONGV iha de’it mákina insineradór antigu ne’ebé bainhira utiliza atu sunu ai-moruk tenke uza mina rai, ida ne’e mós at tiha ona.

Enkuantu mákina insineradór foun ne’ebé foin simu ne’e moderna tebes no la uza mina rai maibé utiliza elétrika bainhira halo operasaun hodi sunu lixu iha ospitál hanesan lixu médiku ne’ebé mai hosi servisu médiku eh klínika mak lixu botir ai moruk nian, ema nia isin ruma ne’ebé kuandu opera, seringa no ai moruk ne’ebé la uza ona, nune’e mós plástiku, aqua mamuk, kalén no seluk tan bele uza hodi sunu.

“Prosesamentu ba sunu lixu ida ne’e mak Normalmente lixu tenke tau hamutuk to’o 100 kilo hafoin hatama ba mákina atu operadór hodi sunu,” nia esplika tan.

(Jornalista : Zezito Silva)

(Editór : Manuel Pinto)

HUSIK IDA HATÁN