Lei Bandu Ema Sivíl Kaer Arma

0
105
Komisariu PNTL, Julio Hornai.

DILI, (TATOLI) – Komisáriu Polísia Nasionál Timor-Leste (PNTL), Júlio Hornay, hateten lei bandu ema sivíl atu kaer arma, tanba ne’e husu ba povu hodi  apoiu informasaun ba PNTL no F-FDTL bainhira identifika kilat 10 ne’ebé lakon iha krize polítika 2006.

“Lei la fó dalan atu kualker ema kaer armaʺ, hatutan ba jornalista sira iha Palásiu Prezidensiál Bairo Pité bainhira informa situasaun seguransa ba Prezidente Repúblika, Francisco Guterres Lú Olo, ohin.

Parte PNTL simu ona despasu hosi Ministru Defeza no Seguransa, Agustinho Sequera Somoxto, hodi husu apoiu povu hodi rekolla arma ne’ebé lakon.

“Ministru haruka ona despasu, karik ema ruma hetan, haree no asegura husu para voluntariamente entrega ba instituisaun PNTL no F-FDTLʺ, hatutan.

Pistola ho tipu blok no kilat AK 33  maka  lakon durante krize 2006. Maibé, komisaríu ne’e promete sei esforsu hodi  rekolla.

ʺIta buka nafatin hodi deskobre paradeiru kilat hirak ne’ebé lakon hodi tau fali iha ninia fatin”, afirma.

Mesmu nune’e, sei la amesa situasaun seguransa iha rai laran. “Lalika tauk ida, tanba la fó impaktu situasaun seguransaʺ, garante.

Jornalista: Agapito dos Santos

Editora: Rita Almeida

HUSIK IDA HATÁN