Korea Kontinua ho Voluntáriu Apoiu ESTV-GTI

0
41
Diretór ESTP-GTI Bekora, Francisco Guterres.

DILI, (TATOLI) – Diretór Eskola Sekundária Téknika Vokasionál-Grupu Teknolojia Indústria, Francisco Guterres, hateten Governu Korea liuhusi KOIKA (Korea International Cooperation Agency) kontinua haruka ninia ema hodi hanorin lian Korea iha ESTP-GTI Bekora.

Voluntáriu nain haat,  nain tolu hanesan estajiáriu no ida nu’udar konselleru (advisor) hodi hanorin estudante sira.

“Sira balun tinan rua no balun foin maka mai, no sira nia mandatu tinan rua remata entaun sira seluk mai subtitiu faliʺ, dehan ba Tatoli, ohin.

Governu Korea liuhusi KOIKA maka selu voluntáriu nain haat ne’e hodi apoiu hanorin iha ESTV-GTI Bekora.

Alende ne’e, ESTV-GTI mós apoiu osan transporte ba voluntáriu hirak ne’e fasilita prosesu hanorin alunu sira.

Diretór hatutan eskola ne’e iha profesór 83, maibé nain ualu hetan bolsu estudu husi Governu hodi kontinua Estudu iha Indonézia iha área téknika.

Governu TL no Korea liuhusi ajénsia KOIKA estabelese ona koperasaun iha tinan hirak kotuk.

Jornalista: Agapito dos Santos

Editora: Rita Almeida

HUSIK IDA HATÁN