Joven Sira Agora Presiza Kuda Espíritu Nasionalizmu

0
57
Mate restu 12 Novembru, Manuel Maia. Foto Tatoli: Egas Cristovão

DILI, (TATOLI) – Mate restu 12 Novembru, Manuel Maia, hateten presiza kuda espíritu nasionalizmu no patriotizmu ba joven sira agora.

“Kuda espíritu nasionalizmu no patriotizmu ne’ebé boot iha ita-nia fuan, hadomi malu nu’udar timoroan, ita bele atinji ona moris di’ak iha ita-nia rain”, hatete ba estudante Universidade Nasionál Timor Lorosa’e (UNTL) liu-liu Fakuldade Medisina, Siénsia no Saúde (FMSS) ho estrutura universidade, iha Lahane, ohin.

Manuel Maia akresenta iha ámbitu atribuisaun prémiu jogu FMSS hodi komemora 12 novembru ne’ebé hahú iha fulan rua kotuk, husu ba joven sira liu-liu estudante estuda maka’as, halo tuir saida mak dosente sira hateten, ne’e pasu ida fó onra ba eroi sira.

Tuir Maia infiltrasaun agora barak iha rai-laran atu infiltra kakutak para haluha buat ne’ebé kuda iha pasada.

Tanba ne’e husu hamutuk kria liafuan ida de’it, kuda espiritu nasionalizmu boot iha fuan, hadomi malu nu’udar timoroan, ida ne’e bele atinji buat ne’ebé ita hakarak.

“Uluk eroi pátria sira ne’ebé fó án ba mate, sira iha liafuan ida de’it atu bele hatutan husi jerasaun ba jerasaun; ami-nia mate mak imi-nia moris, ami-nia sakrifísiu mak ita-nia indepedénsia”, katak tan Manuel Maia.

Nune’e mós dekanu FMSS, João Martins, dehan kuda nasionalizmu ne’e la’ós ho buat ne’ebé boot maibé hahú ho buat ne’ebé simples hodi fanu.

Dekanu FMSS, João Martins. Foto Tatoli: Egas Cristovão

“Fahe esperénsia, istória importante tebes, kuda nasionalizmu ne’e la’ós ho buat ne’ebé boot maibé hahú ho istória ne’ebé simples”, subliña.

Dekanu lembra hikas semináriu antes ne’e fakuldade realiza ho tema: Imi-nia mate, ran sulin lemorai, isin fitar mak rai doben Timor Lorosa’e no povu ida ne’e nia liberdade, oradór husi mate restu 12 novembru rasik.

Jornalista: Rafy Belo

Editora: Rita Almeida

HUSIK IDA HATÁN