Jornalista Labele Hatama Opiniaun iha Notísia

0
128
Ministru Prezidensia Konsellu Ministru, Adriano do Nascimento.

DILI, (TATOLI) – Ministru Prezidensia Konsellu Ministru, Adriano do Nascimento, husu ba jornalista sira atu labele hatama opiniaun bainhira hakerek notísia.

“Jornalista ne’e kutip (sita) buat ne’ebé ema koa’lia, la’ós tau fali ita nia opiniaun depois hodi halo kutipan (sitasaun)ʺ, dehan ba jornalista sira iha Parlamentu Nasionál, ohin.

Governante ne’e hato’o relasiona ho mídia balun ne’ebé hakerek notísia ho opiniaun pesoál  ho tittlu orsamentu retifikativu la aprova governu sei hapara funsionáriu kontratadu.

Hodi hatutan orsamentu retifikativu la liga ho saláriu funsionáriu maibé atu halo ajustamentu ba orsamentu anuál 2017.

Ministru dehan tan sei halo karta protesta hasoru jornalista ne’ebé hakerek notísia tuir interpretasaun pesoál.

Jornalista: Agapito dos Santos

Editora: Rita Almeida

HUSIK IDA HATÁN