Hakotu Impase Polítika, PR Sei Deside iha Tempu Oportunu

0
639
Prezidente Repúblika, Francisco Guterres Lú Olo.

METINARO (TATOLI)—Prezidente Repúblika (PR), Francisco Guterres Lú Olo hateten nia sei deside iha tempu oportunu mai atu hakotu impase polítika iha rai laran.

ʺIda ne’e duni maka Prezidente Repúblika dezde hahú formasaun Governu sempre halo nia deskursu ba Parlamentu Nasionál no Governu para serbisu hamutuk. Maibé, to’o ikus buat ne’e la’o oin seluk fali. Tan ne’e, povu hanoin dehan Prezidente Repúblika maka sei bele deside. Ha’u afirma tan dala ida katak Prezidente Repúblika sei deside iha tempu oportunu mai,ʺ  Lú Olo hato’o kestaun ne’e ba jornalista sira iha Jardin Eroi Metinaro, Dili, Kinta ne’e.

Nia dehan depende Parlamentu Nasionál tanba sei deskuti programa ba dala rua iha 8 Janeiru 2018. Tanba ne’e, Xefe Estadu tenik, bainhira to’o loron ida buat hotu la la’o ba oin, PR hakna’ar de’it nia án tuir Konstituisaun ka hola kompeténsia tuir Konstituisaun hateten.

Lú Olo haktuir, realmente, públiku preokupa duni katak loloos situasaun ne’e viabilizadu para halo dezenvolvimentu ba rai ida ne’e nune’e hadi’a povu nia moris.

Enkuantu tuir konstituisaun repúblika demokrátiku Timor-Leste Artigu 86 Kompeténsia (PR) kona-ba órgaun sira seluk alínea g) Hatún Governu no exonera Primeiru-Ministru nian, bainhira Parlamentu Nasionál la simu nia programa dala rua tuituir malu.

 (Jornalista: Xisto Freitas)

(Editór : Manuel Pinto)

HUSIK IDA HATÁN