Governu Timor-Leste Agradese Mariñeiru ARCA DA PAZ Husi Xina

0
110
Governante governu konstitusionál da-hitu hasai foto hamutuk ho profisionál saúde husi ARCA DA PAZ iha MNEK. Foto: Media MNEK.

DILI, (TATOLI) – Governu Timor-Leste (TL) liuhusi Ministériu Negósiu Estranjeiru no Kooperasaun (MNEK), agradese governu Xina, espesialmente apoiu médiku no sosiál ne’ebé hala’o husi mariñeiru ARCA DA PAZ ba timoroan liuhusi inisiativa umanitária.

“Ró ospitál mariña xineza ne’ebé trakadu iha portu Dili ne’ebé dispoen profisionál medisina no enfermajen nomós meiu komplementár sira, terapeutika no diagnóstika hodi proporsiona sidadaun frájil no vulnerável sira no kuidadu médiku ho gratuitu”, hateten ministru Aurelio Guterres, lihusi mídia MNEK ne’ebé Tatoli aseu, ohin.

Impresionante númeru atendimentu médiku ne’ebé hala’o hela no iha misaun nia rohan espiritu solidaridade no asisténsia sosiál ne’ebé ultrapasa fronteira ba sira ne’ebé presiza hamutuk ho sidadaun sira ne’ebé kuran kuidadu médiku sira no iha partilla koñesimentu ho profisionál saúde husi instituisaun saúde lokál sira.

“Ba komandante militár, almirante Guan Bailin ho nia tripulasaun destaka espíritu komprimísiu no disponibilidade franka no sinsera hodi la’o ba mundu tomak ho objetivu úniku hodi kuidadu sidadaun husi nasaun sira ne’ebé mak hasoru iha pozisaun frajil iha kontestu postu-konflitu no instabilidade sosiál”, refere governante ne’e.

Hatutan vinkula mós ho Repúblika Demokrátika Timor-Leste (RDTL) no Repúblika Populár Xina (RPX) no valór partilladu sira hanesan justisa, sosiál, solidariedade iha asaun konjunta ida ba promosaun paz no dezenvolvimentu.

“Diplomasia ida ne’ebé demonstra konfiansa no optimizmu entre estadu soberanu firmamenta fundamentada iha dezenvolvimentu kapitál umanu no konstrusaun bem estar (moris di’ak-red) sosiál no demokrátiku”, hatutan tan.

Sistema ida bazeadu ba parseiru internasionál sira, iha forum diplomasia nu’udar aliserse ba abordajen ne’ebé fó benefísia mutuamente ba ligasaun ne’ebé proporsiona bem estar  ba sidadaun sira hotu.

“Ha’u hakarak transmite kona-ba relevánsia no enaltese partilla koñesimentu, pois partilla rekoñese, ita iha oportunidade hodi konsolida ita-nia aliansa no onra ba sira ne’ebé mak halo ita-nia liberdade sai posível”, konklui Aurélio Guterres.

Embaixadór ekstraordináriu no plenipontensiáriu, Liu Hongyang, akresenta asisténsia ne’e halo hodi apoiu maun-alin inan-feton timoroan sira.

“Iha konvite futuru husi governu Timor-Leste, ha’u hanoin katak ró ARCA DA PAZ sei mai fila fali tan”, katak embaxadór, Liu Hongyang.

Jornalista: Rafy Belo

Editora: Rita Almeida

HUSIK IDA HATÁN