Funsionáriu Públiku Hetan Saláriu Désimu Terseiru

0
1091
Ministru Planu no Finansa, Rui Augusto Gomes. Foto/Egas Cristovão.

DILI, (TATOLI) – Ministru Planu no Finansa, Rui Gomes, hateten governu aprova ona orsamentu   ba saláriu désimu terseiru ba Funsionáriu Públiku (FP) iha 2017.

Governante ne’e husu ba ministériu ida-idak atu responsabiliza ba tranferénsia salária ba funsionáriu sira, tanba ministériu finansa halo ona tranferénsia.

ʺHa’u haree ida ne’e la’ós problema, tanba buat ne’e aprova ona, ami halo hela ezersísiu iha ministériu finansaʺ, dehan Rui Gomes, iha Parlamentu Nasionál, ohin. “Osan seidauk tama ne’e kada ministériu tenke responde”.

Governante ne’e mós hatutan sei iha osan sufisiente hodi selu saláriu funsionáriu kontratadu. “Laiha problema atu selu funsionáriu kontratadu, maibé tenke halo ezersísiu tanba iha rubrika balun orsamentu ladun to’o onaʺ, afirma.

Maibé ministru la esplika detalla rubrika ne’ebé maka ninia orsamentu hahú menus.

Jornalista: Agapito dos Santos

Editora: Rita Almeida

HUSIK IDA HATÁN