EUA-TL Parseria Iha Program MCC

0
69
Embaixadora Karen Stanton bainhira ku’a fita, iha atividade inagurasaun sala foun haat iha Eskola Primária (EP)-Manleuna, Díli, Kuarta (22/03). Foto Media EUA

DILI (TATOLI) – Konsellu Administrasaun Millennium Challenge Corporation (MCC) ne’ebé hanesan programa Governu Estadus Unidus Amérika (EUA), iha enkontru trimestrál foin lais ne’e hili ona Timor-Leste hodi hetan programa Compact husi MCC nia fundu durante tinan lima atu estimula kreximentu ekonómiku no hamenus kiak.

“Ha’u kontente hodi anunsia parseria foun Timor-Leste liu hosi programa Compact MCC nian,” Diretór operasaun MCC, Jonathan Nash liu hosi komunikadu ne’ebé Ajénsia Tatoli asesu.

Iha komunikadu ne’e esplika mós katak, investimentu MCC nian hodi promove kreximentu ekonómiku, hamenus kiak, kria dame ne’ebé estavel no seguru ba nasaun sira hodi fó oportunidade foun ba komérsiu no nasaun seluk.

Programa MCC implementa hodi hadi’a no transforma komunidade sira nia moris iha mundu tomak ho foku liu ba misaun hamenus di’ak liuhosi kreximentu ekonómiku.

Ajénsia MCC sei oferese apoiu limitadu no apoiu ba nasaun sub-dezenvolvidu sira ho padraun rigorozu ba governasaun di’ak, husi luta kontra korrupsaun ho respeitu ba direitu demokrátiku sira.

Iha Dezembru 2017, Konsellu Administrasaun MCC hili ona Timor-Leste hodi dezenvolve programa limitada ida no husi tempu ne’ebá kedan governu Timor-Leste hatudu ona kometimentu klaru ba governasaun di’ak, investe iha rekursu no liberdade ekonómiku (merkadu livre) sai ona evidénsia ba Timor-Leste.

Nune’e, Konsellu Administrasaun MCC vota hodi muda Timor-Leste ba programa Compact bazeia ba nasaun nia dezempeñu ne’ebé kontinua di’ak no forte.

(Jornalista: Julia Chatarina)

(Editór : Manuel Pinto)

HUSIK IDA HATÁN