Estudante UNITAL Ohin Ba Observa Mina Matan Suai

0
98

DILI (TATOLI)-Estudante departamentu Petróleu na’in 46 inklui dosente na’in rua husi Universidade Orinetál Timor Lorosa’e (UNITAL) dezloka, ohin, Sesta (01/12), ba munisípiu Covalima, Suai hodi observa direta “Mina matan” iha Suai loro.

“Objetivu husi vizita ne’e atu hakle’an liutan koñesimentu pétroleu nian. Ami agora semestre 8, entaun buat ne’ebé liuhusi teória, ita ko’alia de’it maibé ba kampu ita bele haree matan rasik,” informa, Mário Perreira, estudante ida, ba Ajénsia TATOLI, iha kampus UNITAL.

Nune’e mós, tuir nia, liuhusi vizita ne’e sira bele sente katak buat ne’ebé teória ne’e ita halo estudu komparativu fali, atu bele hatene teória no kampu ne’e hanesan ka lae.

“Entaun objetivu husi ne’e atu bele aumenta liutan ami-nia koñesimentu no kapasidade iha petróleu ninian,” reforsa estudante departamentu petróleu ne’e.

Estudante departamentu Petróleu na’in 46 inklui dosente na’in rua sei hela loron haat iha Suai no posibilidade sei vizita mós fatin seluk ne’ebé sira identifikadu ona durante iha ne’ebá.

(Jornalista: Rafy Belo)

(Editór : Manuel Pinto)

HUSIK IDA HATÁN